Łukašenka ab pryznačeńni hienierała Muraviejki: Heta moj asabisty vybar, mnie treba alternatyŭny pohlad na siłavikoŭ
Łukašenka patłumačyŭ pryznačeńnie byłoha načalnika Hienštaba namieśnikam kiraŭnika svajoj Administracyi.
Kamientujučy kadravuju pierastanoŭku, Łukašenka skazaŭ pra mahčymyja śpiekulacyi vakoł hetaha rašeńnia, piša BiełTA.
«Šmat budzie śpiekulacyj, peŭnych zajaŭ i hetak dalej: «Łukašenka paddaŭsia siłavikam, pryznačyŭ u Administracyju prezidenta byłoha načalnika Hienieralnaha štaba. Heta źviazana z uzmacnieńniem niejkaha tam składnika siłavikoŭ», — skazaŭ Łukašenka.
«Kali kamuści vyhadna tak kazać i razvažać, kali łaska. Ja absalutna nie suprać. Ale toje, što idzie ŭzmacnieńnie hetaha składnika — siłavoha siektara i napramku našaj krainy, — heta naturalna. Bo my bačym, što adbyvajecca vakoł našaj krainy. Mnie jak prezidentu i hałoŭnakamandujučamu Uzbrojenymi siłami vielmi važna mieć niekalki, kali chočacie, alternatyŭnych punktaŭ hledžańnia na situacyju ŭ našych siłavych padraździaleńniach», — zaŭvažyŭ Łukašenka.
Jon dadaŭ, što ŭ suviazi z hetym pryznačeńniem mohuć źjavicca čutki pra nibyta anhažavanaje prasoŭvańnie.
Łukašenka taksama skazaŭ, što kandydaturu Muraviejki ŭ Administracyju prapanavaŭ sam.
«Kali chtości skaža, što heta ledź nie rodny brat prezidenta, toj pamylajecca, tamu što ja vas navat da pasady načalnika Hienštaba praktyčna i nie viedaŭ. I ŭ mianie ŭvohule takich padychodaŭ niama — «svoj — čužy». Usie, chto siadzić za hetym stałom, nie čužyja mnie ludzi. Vy prajšli surjozny ekzamien, šlach razam sa mnoj», — padkreśliŭ jon.
Kamientary