Vydaviec hazety čatyry razy znachodziŭ novy ofis, ale jak tolki infarmacyja pra novy adras raźmiaščeńnia hazety padavałasia ŭ Ministerstva infarmacyi i ŭpraŭleńnie justycyi Mienskaha harvykankamu, na praciahu ličanych dzion i novy arendadaŭca biez tłumačeńnia pryčynaŭ razryvaŭ tolki što ŭkładzienuju damovu arendy...
U krasaviku h.h. hazeta «Naša Niva» atrymała list za podpisam namieśnika staršyni Mienskaha harvykankamu M.Ciciankova ad 10.04.2006, u jakim havaryłasia, što «raźmiaščeńnie hazety «Naša Niva» ŭ horadzie Miensku niemetazhodnaje». Na dasłanuju ŭ harvykankam skarhu adkazu hazeta nie atrymała.
Varta adznačyć, što Zakon ab druku i inšych srodkach masavaj infarmacyi nie praduhledžvaje ŭzhadnieńnia raźmiaščeńnia vydańniaŭ ź miascovymi vykanaŭčymi orhanami. Akramia taho, zakanadaŭstva nie ŭtrymlivaje paniaćcia «metazhodnaści». Tamu jurydyčna ŭsio heta nie vytrymlivaje krytyki. Tym nia mienš, pačynajučy z taho času ŭ hazety pačalisia niahody.
Damova na arendu ofisu hazetaj była razarvanaja. Vydaviec hazety znachodziŭ novy ofis, ale jak tolki infarmacyja pra novy adras raźmiaščeńnia hazety padavałasia, u adpaviednaści z zakanadaŭstvam, u Ministerstva infarmacyi i ŭpraŭleńnie justycyi Mienskaha harvykankamu, na praciahu ličanych dzion i novy arendadaŭca biez tłumačeńnia pryčynaŭ razryvaŭ tolki što ŭkładzienuju damovu arendy.
Hetaja sytuacyja paŭtaryłasia ŭžo čatyry razy, z arendadaŭcami roznych formaŭ ułasnaści. Kožnamu jasna, chto prymušaŭ ich panična kasavać vyhadnyja damovy.
Adsutnaść jurydyčnaha adrasu daje padstavu dla adklikańnia paśviedčańnia ab rehistracyi hazety. Usie hanieńni «Našaj Nivy» sioleta dajuć padstavu mierkavać, što ŭłady praciahvajuć rychtavać zakryćcio hazety.
Niachaj ucisk biełaruskaj movy i kultury macniej zhurtuje nas usich, tych, chto havoryć, i tych, chto maŭčyć, vakoł hetych najvialikšych nacyjanalnych kaštoŭnaściaŭ.
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie4
Kamientary