Łukašenka nazvaŭ kiraŭnika Jeŭrakamisii kazłom i abvinavaciŭ kiraŭnictva Ukrainy ŭ «vašyvaści»
«Što tyčycca takich kazłoŭ, jak Barozu i inšych… Nu, chto taki Barozu? Byŭ niejki Barozu ŭ Partuhalii, ale vyhnali jaho i ŭładkavali ŭ Jeŭrakamisiju».
Alaksandr Łukašenka prapanavaŭ zadać pytańnie kiraŭnictvu Ukrainy z nahody svajho niaŭdziełu ŭ čarnobylskich mierapryjemstvach razam z prezidentami Ukrainy i Rasii.
«Zadajcie hetaje pytańnie Janukoviču: čamu biełaruski prezident nie prysutničaje na ich mierapryjemstvach. Heta vy ŭ ich spytajcie. Na žal, vašyvaści chapaje ŭ ciapierašniaha kiraŭnictva Ukrainy», — zajaviŭ A. Łukašenka žurnalistam u aŭtorak.
A. Łukašenka ŭčora naviedaŭ Łuniniec, a siońnia — Naraŭlanski rajon.
Łukašenka taksama nazvaŭ niahodnikami tych, chto nibyta sprabuje ŭvieści ekanamičnyja sankcyi suprać respubliki, nazvaŭšy dadzienyja sproby marnymi. «Prosta niahodniki. Tamu ja nie žadaju kazać ab usiakich Barozu, inšych kazłach, bykach i inšych», — zajaviŭ A. Łukašenka žurnalistam u aŭtorak. Jaho słovy cytuje ahienctva «Interfaks».
Jak viadoma,
ekanamičnych sankcyj suprać Biełarusi Jeŭrasajuz nie ŭvodziŭ. U toj ža čas ES papiaredziŭ, što ŭ vypadku novych represij suprać nasielnictva Biełarusi, u pryvatnaści, źniavoleńnia aryštavanych kandydataŭ u prezidenty, mohuć być uviedzienyja novyja miery suprać łukašenkaŭcaŭ. Siońnia kiraŭnictva Jeŭrasajuza pravodzić palityku ihnaravańnia Alaksandra Łukašenki i jahonych paplečnikaŭ.U pryvatnaści, staršynia Jeŭrakamisii zajaviŭ kiraŭnictvu Ukrainy, što ŭmovaj jahonaha ŭdziełu ŭ čarnobylskim samicie budzie adsutnaść Łukašenki. ES ličyć nieprymalnaj i varožaj dla ES unutranuju i zamiežnuju palityku Łukašenki.
«Što tyčycca takich kazłoŭ, jak Barozu i inšych… Nu, chto taki Barozu? Byŭ niejki Barozu ŭ Partuhalii, ale vyhnali jaho i ŭładkavali ŭ Jeŭrakamisiju. Ja mienš za ŭsio hladžu, što dzie chto lapnuŭ ź jeŭrapiejskich čynoŭnikaŭ. Ich tam tysiačy», — zajaviŭ A. Łukašenka.
«Chiba možna suprać krainy, jakaja bolš za ŭsio paciarpieła ad čužoj raschlabanaści [Čarnobylskaj avaryi] vieści havorku ab tym, kab uvieści niejkija sankcyi? — rytaryčna pytaŭsia Alaksandr Łukašenka. — Nam dapamahać treba, — i dadaŭ. — Toj, chto ŭtvaryŭ heta, pavinien byŭ by dapamahać nam».
«Ale kazły — jany i jość kazły, — praciahvaŭ A. Łukašenka. — Što siońnia pra ich kazać? My dla ich [Zachadu] — kankurenty. My — ideałahičnyja praciŭniki. My — ludzi, jakija prapaviedujuć inšy ład žyćcia». I jašče: «My dla ich niebiaśpiečnyja. I sprava nie ŭ niejkaj dyktatury i demakratyi». «Nam nie patrebna takaja ich demakratyja», — padsumavaŭ jon.
Ciapier čytajuć
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ11
Kamientary