Pasoł Ukrainy ŭ Biełarusi vystupiŭ z žorstkaj krytykaj aficyjnaha Minska
Pasoł Ukrainy ŭ Biełarusi vystupiŭ z žorstkaj krytykaj aficyjnaha Minska — u efiry ukrainskaha telekanała TVi Raman Biaśśmiertny nazvaŭ razhon akcyi 19 śniežnia minułaha hoda biesprecedentnym dla jeŭrapiejskich krainaŭ, a taksama uzhadaŭ apošnija słovy ludziej, asudžanych za udzieł u manifiestacyi.
Pavodle Ramana Biaśśmiertnaha, na łavie padsudnych apynulisia nie pravakatary, a mirnyja udzielniki akcyi, źbityja biełaruskim śpiecnazam. Pa mierkavańni ukrainskaha ambasadara, mienavita hetyja padziei pryviali da mocnaha ekanamičnaha kryzisu.
— U Biełarusi adbylisia rečy, jakija ŭ Jeŭropie u pryncypie adbyvacca nie mohuć. Heta supiarečyć nie tolki fiłasofii jeŭrapiejcaŭ, ale i usim dasiahnieńniam i ich cyvilizavanaści. 19 śniežnia minułaha hodu ludziej, što sabralisia, prosta pabili, i siońnia uvieś śviet zadaje pytańnie: za što ich bili? Potym ich sudzili i ciapier 46 asobaŭ asudžanyja na roznyja terminy. Za što jany siońnia adbyvajuć hetaje pakarańnie? Bo i Kanstytucyja i zakanadaŭstva dajuć im prava adstojvać svaju pazicyju.
Ambasadar Ukrainy taksama źviarnuŭ uvahu na vieličezny na dadzieny momant pamier źniešniaj pazyki Biełarusi, jakiz kožnym dniom praciahvaje uzrastać. Pavodle Ramana Biaśśmiertnaha, takoje raźvićcio situacyi spravakavała ni što inšaje, jak razhon 19 śniežnia, u vyniku čaho ŭ rozumie mnohich biełarusaŭ pasialiŭsia strach, jaki byŭ padmacavany niemahčymaściu vykanańnia pieradvybarčych abiacańniaŭ Alaksandra Łukašenki.
-
«Vy viedajecie, što bolšaść biełarusaŭ ličać vas nikčemnymi chałujami?»
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
Pobač z Łukašenkam na chakiei źjaviłasia novaja pryhažunia10
Kamientary