U Łatvii bolš za 110 tysiač čałaviek padpisalisia za likvidacyju rasiejskich škoł
U Łatvii bolš za 110 tysiač čałaviek padpisalisia za likvidacyju dziaržaŭnaha finansavańnia škoł ź niełatyšskaj movaj navučańnia, ale im nie chapiła 30 tysiač podpisaŭ dla praviadzieńnia refierendumu pa hetym pytańni, paviedamiła ŭ piatnicu centralnaja vybarčaja kamisija (CVK) krainy.
Raniej nacyjanalny łatyšski błok «Usio dla Łatvii / Ajčynie i svabodzie» pačaŭ zbor podpisaŭ za praviadzieńnie refierendumu ab likvidacyi dziaržaŭnaha finansavańnia školnaj adukacyi na niełatyšskaj movie. Paśla taho jak palitykam udałosia sabrać 10 tysiač podpisaŭ, CVK abviaściŭ ab pačatku pašyranaha zboru podpisaŭ za hetuju inicyjatyvu.
Jon prachodziŭ z 11 maja pa 9 červienia. Pavodle papiarednich źviestak CVK, za likvidacyju finansavańnia niełatyšskich škoł padpisalisia 112608 vybarščykaŭ. Dla praviadzieńnia refierendumu pa hetym pytańni tre było sabrać 153232 tysiačy podpisaŭ.
Arhanizatary zboru podpisaŭ prapanoŭvali ŭnieści papraŭku ŭ 112-y artykuł Kanstytucyi, ustanaviŭšy, što dziaržaŭnaja adukacyja ŭ škołach Łatvii viadziecca tolki na łatyšskaj movie.
Małalikaja łatyšskaja nacyja akazałasia ŭ časy savieckaj akupacyi na miažy pieratvareńnia ŭ mienšaść na svajoj ułasnaj ziamli. Na 1989 hod łatyšoŭ u Łatvii zastavałasia ŭsiaho 52%. U Łatvijskuju SSR saviety masava pierasialali kałanistaŭ. Taja pahroza zastałasia vialikaj traŭmaj dla łatyšoŭ.Paśla zdabyćcia niezaležnaści łatyšy pryniali zachady dla abmiežavańnia ŭpłyvu niehramadzianaŭ Łatvii na dziaržaŭnuju palityku i na intehracyju byłych kałanistaŭ i ich naščadkaŭ u łatvijskaje asiarodździe.
Ciapier čytajuć
Chto toj chłopiec, jaki čakaŭ dziaŭčynu pad daždžom u Minsku? Vy dakładna bačyli toje ramantyčnaje videa14
Kamientary