MZS Ukrainy i pasolstva ZŠA abviarhli infarmacyju.
Kiraŭnik dypłamatyi ES Kaja Kałas siońnia zajaviła, što amierykanskaje pasolstva pakinuła Kijeŭ, u toj čas jak jeŭrapiejskija dyppradstaŭnictvy zastanucca ŭ stalicy Ukrainy.
«Učora my daviedalisia, što ŭsie ambasady, akramia adnoj, zastalisia va Ukrainie. Tak što heta taksama patrabuje mužnaści ad supracoŭnikaŭ ambasad. Ale tak, usie jeŭrapiejcy zastalisia. Amieryka syšła», — skazała jana pa prybyćci na niefarmalnuju sustreču kiraŭnikoŭ MZS ES na Kipry.
Paźniej na jaje słovy adreahavali va ŭkrainskim MZS. Pres-sakratar viedamstva Hieorhij Cichi paviedamiŭ žurnalistam, što infarmacyja pra vyjezd ambasady ZŠA z Kijeva nie adpaviadaje rečaisnaści.
Daradca prezidenta Ukrainy pa kamunikacyjach Dźmitryj Litvin nazvaŭ situacyju «dziŭnaj», bo Ukraina nie pavinna interpretavać słovy kiraŭnicy dypłamatyi ES pra ZŠA. Jon vykazaŭ mierkavańnie, što mahčyma, miełasia infarmacyja pra adjezd pierad udaram Rasii pa Kijevie ŭ noč na niadzielu.
«My čuli, što amierykanskija dypłamaty z Kijeva tady źjechali (pierad udaram u noč na niadzielu). U lubym vypadku Ukraina ŭdziačnaja ŭsim ambasadam, jakija pracujuć u Kijevie», — adznačyŭ Litvin.
Paźniej Pasolstva ZŠA abvierhła infarmacyju pra vyjezd, zajaviŭšy, što pracuje ŭ Kijevie ŭ raniejšym režymie.
Ciapier čytajuć
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała22
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5454
Kamientary