Premjer Mikoła Azaraŭ abvieściŭ, što Maskva pahadziłasia na trochbakovy kansorcyum u składzie ES, Ukrainy i «Hazprama».
Rasijski bok pahadziŭsia stvaryć trochbakovy hazatranspartny kansorcyum
Raniej u paniadziełak Azaraŭ zajaviŭ, što Rasieja pahadziłasia pierahledzieć umovy hazavaha kantrakta, niahledziačy na toje, što raniej nazyvała prapanovy Ukrainy nieprymalnymi.
«My kančatkova zmahli dasiahnuć pahadnieńnia z Rasijaj pa pierahladzie kantraktu», — skazaŭ Mikoła Azaraŭ.
Pierad hetym ŭkrainskija vydańni sa spasyłkaj na Azarava napisali, što ŭ listapadzie Rasieja i Ukraina źmieniać ŭmovy supracoŭnictva ŭ hazavaj śfiery. Pakul viadoma tolki ab dvuch punktach budučych źmienaŭ. Pavodle jaho słoŭ, na sustrečy prezidentaŭ Ukrainy i Rasii Viktara Janukoviča i Dźmitryja Miadźviedzieva była dasiahnutaja damoŭlenaść ab panižeńni taryfu na transpartvańnie hazu terytoryjaj Ukrainy da ŭzroŭniu sabiekoštu. U svaju čarhu, Rasieja źnizić košt na haz dla patrebaŭ Ukrainy ŭ dźviuch śfierach: biudžetnaj i sacyjalnaj.
U adroźnieńnie ad Biełarusi Ukraina kateharyčna nie pahadžajecca pryvatyzavać svaje hazapravody ŭ ruki «Hazproma», niahladziačy na toje, što ŭ adpłatu Maskva zadzierła ceny na błakitnaje paliva.
Ciapier čytajuć
«Ja supracoŭnica KDB, u vas buduć prablemy». Minčanka chacieła napisać skarhu ŭ optycy, ale supracoŭnica pakazała koračku15
Kamientary