Pravasłaŭnaja carkva pieraprašaje za fatahrafiju hadzińnika Breguet
«Niedarečnaja pamyłka fotaredaktara». U Rasii hučać hałasy z zaklikam da sychodu patryjarcha Kiryła z pasady.
Hadzińnik Breguet za $30 tysiač na ruce patryjarcha Kiryła adbivajecca na stale, za jakim jon siadzić, u vyniku «niedarečnaj pamyłki» fotaredaktury, paviedamlaje «Interfaks» sa spasyłkaj na
«Supracoŭnikami fotaredakcyi pry pracy z fotaarchivam, raźmieščanym na sajcie, była dapuščana niedarečnaja pamyłka. Adnym z asnoŭnych pryncypaŭ našaj pracy źjaŭlajecca pryncypovaja admova ad vykarystańnia prahram redahavańnia fatahrafij dla źmieny vyhladu malunkaŭ», — paviedamili ŭ
U ciapierašni čas fatahrafija ŭ zychodnaj jakaści viernuta na svajo miesca.
Napiaredadni viečaram błohiery znajšli na sajcie RPC fota, dzie na ruce patryjarcha niama hadzińnika, ale jon adlustroŭvajecca na łakavanaj stalnicy.
Na minułym tydni patryjarch Kirył u razmovie z teležurnalistam Uładzimiru Sałaŭjovu nazvaŭ «kałažam» zroblenyja ŭ časie pastyrskaha vizitu va Ukrainu fatahrafii, dzie ŭ patryjarcha na levuju ruku nadzietyja Breguet, jaki nazyvajuć jašče «hadzińnikam miljarderaŭ». Patryjarch kazaŭ, što ŭ patryjaršym adzieńni «niemahčyma nasić hadzińnik».
Pry hetym patryjarch zajaŭlaŭ, što Breguet za $ 30 tysiač u jaho sapraŭdy jość, ale jon lažyć «siarod karobak z padarunkami» patryjarchu, a jon jaho nikoli nie nadziavaŭ. Vyhladaje, što pradstajaciel RPC zmaniŭ.
U Rasii pačali hučać hałasy z zaklikam da sychodu patryjarcha z pasady. Jaho abvinavačvajuć u «ściažacielstvie» i «łžeśviedčańni». Niadaŭna vyjaviłasia, što ŭ patryjarcha Kiryła majecca kvatera koštam 1,5 miljona dalaraŭ, u jakoj prapisanaja žančyna, jakuju jon nazvaŭ svajoj trajuradnaj siastroj.
-
«Biełaruś — pryhožaja, čystaja, ale jaje dušać kirzavyja boty». Biełaruski paviljon u Vieniecyi staŭ siensacyjaj
-
Ty ruskamoŭny čałaviek śvietu ci ty čałaviek biełaruski? Kiejs Nasty Rahatko
-
«Vałasy dybaram». U jutubie źjavilisia videaroliki pa historyi Biełarusi, ad pačatku da kanca napisanyja štučnym intelektam
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary