U niadzielu pravasłaŭnyja śviatkujuć Vierbnuju niadzielu.Vierbnica — ruchomaje śviata biełaruskaha narodnaha kalendara, adznačajecca za tydzień da Vialikadnia. Pavodle pravasłaŭnych kanonaŭ, heta vialikaje dvunadziesiataje śviata — Uvachod Haspodni ŭ Ijerusalim. U asnovie jaho lažyć jevanhielskaje padańnie ab uračystaj sustrečy žycharami Ijerusalima Isusa Chrysta, jaki pryjšoŭ u horad dla pryniaćcia pakut i śmierci na kryžy. Padčas sustrečy jany kidali Chrystu halinki finikavaj palmy. Dla słavian simvałam śviata stała viarba, bo jana raniej za inšyja drevy pačynaje raspuskacca. Na Vierbnicu paŭsiudna aśviačali ŭ carkvie ci kaściole halinki viarby, jakimi ŭ hety dzień tradycyjna pryniata było ściabać adzin adnaho. Aśviačonaj viarbie nadavalisia mahičnyja ŭłaścivaści, tamu jaje doŭha zachoŭvali ŭ chacie (joju vyhaniali na pieršy vypas žyviołu; isnavała pavierje, što źjedzienyja z halinki pupyšynki zaścierahajuć ad peŭnych chvarobaŭ).
8 krasavika, na «Vierbnicu», na terytoryi muzieja projdzieudzieł u abradzie aśviačeńnia viarboj aharodaŭ razam z haspadarami muziejnych siadzib, znajomstva z tradycyjami śviatkavańnia Vierbnaj niadzieli i rośpisam pisanak.majstar-kłas pa ŭpryhožvańni halinak viarby, aśviačeńnie halinak viarby padčas śviatočnaha nabaženstva ŭ pomniku narodnaj architektury Pakroŭskaj carkvie XVIII stahodździa,
Kvitki ŭ muziej kaštujuć dla darosłych — 8 000 rub., dla navučencaŭ VNU- 8 000 rub., navučencaŭ SSNU i vučniaŭ — 4 000 rub., dzieci daškolnaha vieku — biaspłatna.
Za dadatkovuju płatu možna naviedać karčmu, nabyć suvieniry ad Biełaruskaha sajuza majstroŭ narodnaj tvorčaści.
Ekspazicyja muzieja pracuje ad 10.00 da 18.20. Kasa pracuje ad 10.00 da 17.30.
Supracoŭniki muzieja zaklikajuć naviednikaŭ pakłapacicca pra abutak i vopratku, adpaviednyja pahodnym umovam.
Muziej narodnaj architektury i pobytu znachodzicca na paŭdniovy zachad ad minskaj kalcavoj darohi, za aŭtarynkam Malinaŭka niepadalok ad vioski Stročyca.
Prosmotrieť Muziej narodnaj architektury i pobytu na kartie bolšieho raźmiera
Kamientary