Rasiejski hurt «Splin» adyhraje 4 maja ŭ Minsku kancert «Akustyka ŭ horadzie».
«Splin» u 1990-ja nazyvali hałoŭnaj nadziejaj rok-muzyki ŭ Rasii, paśla ŭ «nulavyja» rehularna nazyvali «apošnim rok-hurtam». Adnak ciapier Vasiljeŭ i tavaryšy zapavolilisia, ich novyja albomy źjaŭlajucca nie štohod. Ale «ostanoviłoś moje sierdcie», «orbit biez sachara» dy inšyja ich pieśni pasialilisia ŭ padziemnych pierachodach byłoha SND.
Na tvorčaść «splinoŭ» adhukalisia samyja niečakanyja ludzi. U 2001 hodzie ŭ hurtu vyjšaŭ albom «25 kadr», dzie, u pryvatnaści, była supolnaja pieśnia z «Bi-2» pad nazvaj «Fielini». Pieśnia adrazu trapiła ŭ ratacyju na radyjo, u tym liku ŭ Biełarusi.
Pieśnia vyklikała abureńnie Alaksandra Łukašenki, jaki pačuŭšy pa radyjo radok «hieroj na hieroinie, hieroinia na hieroinie», nazvaŭ pieśniu prapahandaj niezdarovaha ładu žyćcia i zahadaŭ źniać jaje z radyjostancyj.Alaksandr Vasiljeŭ adreahavaŭ na heta iranična: dobra, što kiraŭnik Biełarusi maje čas sačyć za navinami rok-muzyki. Adnak praz dva hady Vasiljeŭ u pieśni «Uroki hieahrafii» adkazaŭ. U joj jość radok «V Biełoruśsii biesitsia złoj Łukašienko»...
4 maja akustyčny kancert «Splina» adbudziecca ŭ KZ «Minsk», kvitki kaštujuć ad 255 tysiač. Kancert — akustyčny, što redkaść dla hurtu.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary