Расейскі гурт «Сплін» адыграе 4 мая ў Мінску канцэрт «Акустыка ў горадзе».
«Сплін» у 1990-я называлі галоўнай надзеяй рок-музыкі ў Расіі, пасля ў «нулявыя» рэгулярна называлі «апошнім рок-гуртам». Аднак цяпер Васільеў і таварышы запаволіліся, іх новыя альбомы з'яўляюцца не штогод. Але «остановилось мое сердце», «орбит без сахара» ды іншыя іх песні пасяліліся ў падземных пераходах былога СНД.
На творчасць «спліноў» адгукаліся самыя нечаканыя людзі. У 2001 годзе ў гурту выйшаў альбом «25 кадр», дзе, у прыватнасці, была супольная песня з «Бі-2» пад назвай «Феліні». Песня адразу трапіла ў ратацыю на радыё, у тым ліку ў Беларусі.
Песня выклікала абурэнне Аляксандра Лукашэнкі, які пачуўшы па радыё радок «герой на героине, героиня на героине», назваў песню прапагандай нездаровага ладу жыцця і загадаў зняць яе з радыёстанцый.Аляксандр Васільеў адрэагаваў на гэта іранічна: добра, што кіраўнік Беларусі мае час сачыць за навінамі рок-музыкі. Аднак праз два гады Васільеў у песні «Урокі геаграфіі» адказаў. У ёй ёсць радок «В Белоруссии бесится злой Лукашенко»...
4 мая акустычны канцэрт «Спліна» адбудзецца ў КЗ «Мінск», квіткі каштуюць ад 255 тысяч. Канцэрт — акустычны, што рэдкасць для гурту.
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары