Na daterminovych vybarach u parłamient Katałonii pieramoh z 31% hałasoŭ pamiarkoŭny Nacyjanalny aljans «Kanvierhiencyja i sajuz Katałonii».
Paśladoŭna niezaležnickaja Partyja levych respublikancaŭ zdabyła 14% hałasoŭ. Ahułam čatyry niezaležnickija partyi sabrali 57% hałasoŭ.
Kansiervatyŭnaja Narodnaja partyja i ahulnahišpanskaja Sacyjalistyčnaja rabočaja partyja, a taksama inšyja siły, što vystupajuć za zachavańnie adzinstva Hišpanii, zdabyli razam 35% hałasoŭ.
Takija vyniki aznačajuć, što rehijon čakaje refierendum pra poŭnuju niezaležnaść ad Hišpanii.
Takaja pierśpiektyva stała mahčymaj paśla taho jak da patrabavańnia niezaležnaści dałučyłasia kiraŭničaja partyja «Kanvierhiencyja i sajuz», jakaja raniej abmiažoŭvałasia patrabavańniami samastojnaści ŭnutry Hišpanii.
Madryd piarečyć pretenzijam Barsiełony na suvierenitet. Da taho ž, vialikija ličby katałancaŭ žyvuć za miežami rehijona Katałonii, u susiednich pravincyjach. Tamu razychodžańnie dźviuch krain moža akazacca napružanym, a vyznačeńnie miežaŭ novaj dziaržavy — składanym pracesam.
Katałonija — heta rehijon na poŭnačy Ispanii, ad Mižziemnaha mora da Pireniejaŭ. Žyvie tam kala 7 miljonaŭ čałaviek. Stalica — Barsiełona.
Znakamityja katałancy: mastaki Salvador Dali, Chaan Miro, architektar Antoni Haŭdzi, skulptar Arystyd Majol, biznesoviec Fakunda Bakardzi — stvaralnik romu «Bacardi», žydoŭski fiłosaf Nachmanid, śpievaki Chasep Kareras i Mantserat Kabalje, spartoŭcy Chuan Antonia Samaranč, Chasep Hvardyjoła.U katałoncaŭ jość svaja asobnaja mova i kultura.
U časy frankizmu katałanskuju movu nie vyvučali ŭ škołach, jaje vyvieli z publičnaha ŭžytku. Ale paśla padzieńnia dyktatury adbyłosia jaje adradžeńnie.Na siońnia kala 35% nasielnikaŭ Katałonii addaje pieravahu katałanskaj, 45% — hišpanskaj. 20% aktyŭna karystajucca ŭ pobycie abiedźviuma movami ci trasiankaj.
Pry hetym u Katałonii dziejničajuć miery, nakiravanyja na padtrymku nacyjanalnaj movy.
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary