Vyrašyć prablemu deficytu vysokakvalifikavanych kadraŭ u vioscy dapamoža žorstki padychod da raźmierkavańnia vypusknikoŭ VNU. Ab hetym zajaviŭ u razmovie z žurnalistami ministr kultury Biełarusi Uładzimir Maćviajčuk, jaki siońnia pryniaŭ udzieł u vyjaznoj kalehii Ministerstva kultury ŭ Mahiloŭskaj vobłaści. Na pasiadžeńni razhladałasia rabota ŭpraŭleńnia kultury Mahiloŭskaha abłvykankama pa vykanańniu Dziaržaŭnaj prahramy adradžeńnia i raźvićcia vioski na 2005‑2010 hady.
Jak adznačyŭ Uładzimir Maćviajčuk, hałoŭnaja zadača vyšejšych navučalnych ustanoŭ krainy, jakija rychtujuć śpiecyjalistaŭ u śfiery kultury, i ŭ pieršuju čarhu univiersiteta kultury — zaniać žorstkuju pazicyju pa padrychtoŭcy i nakiravańniu maładych śpiecyjalistaŭ mienavita ŭ rehijony. I ŭ hetym hodzie taki padychod pry raźmierkavańni śpiecyjalistaŭ udałosia ažyćciavić. U pryvatnaści, kali ŭ 2006 hodzie 72 pracenty vypusknikoŭ univiersiteta kultury zastalisia pracavać u Minsku, u asnoŭnym u respublikanskich kulturnych ustanovach, to na siońnia kala 80 pracentaŭ vypusknikoŭ pajeduć pracavać u rehijony.
Ministr dadaŭ, što rabota ŭ rehijonach, a tym bolš u ahraharadkach pojdzie tolki na karyść moładzi, jakaja stanie lepš razumieć žyćcio ŭ vioscy, žyćcio ŭ cełym i miesca kultury ŭ hramadstvie.
Ilustracyja — kadar z multfilmu «Vožyk u tumanie», hedgehoginmist.narod.ru
Ciapier čytajuć
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»19
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ3636
Kamientary