Biełaruski pasoł raskazaŭ, što čuvać pra biełarusku, jakaja źnikła ŭ Mjanmie
Pasoł Biełarusi ŭ Vjetnamie i Mjanmie Uładzimir Baravikoŭ paviedamiŭ, što z 9 kastryčnika pasolstva atrymała zajavu ad maci źnikłaj Viery Kraŭcovaj z prośbaj dapamahčy ŭ jaje pošuku ŭ Mjanmie i Tajłandzie. Adrazu byli nakiravanyja zapyty va ŭradavyja i siłavyja orhany hetych krain, a taksama naładžanyja pramyja kantakty, piša BiełTA.
Da dapamohi ciapier padklučany aficyjnyja konsulskija pradstaŭnictvy Biełarusi ŭ Banhkoku (Tajłand) i Janhonie (Mjanma). Pa infarmacyi pasolstva, dziaŭčyna vylacieła z Banhkoka ŭ Janhon 20 vieraśnia, ale inšych dakładnych źviestak pra jaje miescaznachodžańnie ci pravavy status pakul niama. Pošukavyja mierapryjemstvy praciahvajucca, pasolstva abiacaje akazać usiu nieabchodnuju dapamohu biełaruskim hramadzianam.
Uładzimir Baravikoŭ taksama adznačyŭ, što ŭ Mjanmie dziejničajuć machlarskija centry, asabliva kala miažy z Tajłandam, i choć niekatoryja ź ich byli zakrytyja, prablema pakul isnuje. Pasolstva nie maje dakładnych danych pra ŭdzieł biełarusaŭ u niezakonnaj dziejnaści ŭ takich centrach, ale asobnyja vypadki fiksujucca.
U pryvatnaści, u sakaviku 2024 hoda adna biełaruska była paśpiachova viarnutaja dadomu paśla niezakonnaha ŭtrymańnia ŭ takim centry dziakujučy supracoŭnictvu biełaruskich uładaŭ z Mjanmaj i Tajłandam. Pasoł zaklikaŭ hramadzian być uvažlivymi, aściarožna stavicca da prapanoŭ ab pracy ŭ hetym rehijonie i nie ryzykavać. Jon taksama nahadaŭ pra mahčymaść skarystacca haračaj linijaj pasolstva ŭ ekstranych situacyjach.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva8
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary