MZS Ukrainy vydała zajavu ŭ suviazi z represijami pa «spravie Hajuna»
Ministerstva zamiežnych spraŭ Ukrainy źviarnuła ŭvahu na infarmacyju biełaruskaha pravaabarončaha centra «Viasna» pra čarhovuju chvalu represij režymu Łukašenki suprać hramadzian Biełarusi ŭ miežach tak zvanaj «spravy Hajuna» i vydała z hetaj nahody admysłovuju zajavu.
U svajoj zajavie MZS Ukrainy z žalem kanstatuje, što ŭ Biełarusi pry Łukašenku padstavaj dla represij moža stać litaralna što zaŭhodna «navat nieaściarožna vymaŭlenaje biełaruskaje słova».
«My pierakananyja, što takija advolnyja zatrymańni majuć na mecie stvareńnie «abmiennaha fondu», dziakujučy jakomu Alaksandr Łukašenka raźličvaje kuplać sabie indulhiencyi ŭ abmien na nievinavatych ludziej, jakich jon kidaje ŭ turmy», — padkreślivaje ŭkrainskaje dypłamatyčnaje viedamstva.
Represii biełaruskaha režymu, na dumku MZS Ukrainy, «źjaŭlajucca sistemnym i hrubym parušeńniem pravoŭ čałavieka i asnoŭnych mižnarodna-pravavych dakumientaŭ», a «masavyja aryšty i źniavoleńni hramadzian Biełarusi ŭ miežach tak zvanaj «spravy Hajuna» — vidavočnaje paćviardžeńnie hetaha».
U suviazi z hetym mižnarodnaja supolnaść zaklikajecca ŭzmacnić cisk na Alaksandra Łukašenku i jaho paplečnikaŭ. Akramia taho, nahadvajecca, što łukašenkaŭskaja Biełaruś stała saŭdzielnicaj pry raźviazvańni Rasijaj zachopnickaj vajny suprać Ukrainy, za što «pavinna abaviazkova panieści svaju častku adkaznaści za ździajśnieńnie hetaha złačynstva i ŭsie nastupnyja źvierstvy suprać ukrainskaha naroda».
«My vierym, što ŭ budučyni demakratyčnaja Biełaruś projdzie šlach ačyščeńnia ad złačynstvaŭ łukašenkaŭskaj dyktatury, adnović svaju niezaležnaść i suvierenitet paśla hadoŭ rasijskaha panavańnia i vierniecca ŭ siamju jeŭrapiejskich narodaŭ, da jakoj jana histaryčna, palityčna i kulturna naležyć», — zaviaršaje svaju zajavu ŭkrainskaje MZS.
Pravaabaroncy majuć imiony 88 zatrymanych pa «spravie Hajuna», ale aryštavanych bolš
Za dapamohu Hajunu pasadzili maładoha zampalita pahraničnaj zastavy z Chojnikaŭ
Biełarusam prychodziać fejkavyja listy ad imia ŭkrainskich pravaabaroncaŭ
Uzornaha starastu vioski i pradprymalnika z Babrujska kinuli za kraty: padobna, za «Hajuna». Voś jak na jaho mahli vyjści
Chirurha z Oršy asudzili za palityku. Chutčej za ŭsio, pa spravie Hajuna
Pa «spravie Hajuna» aryštavali zasnavalnika art-vioski na Homielščynie
Ciapier čytajuć
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie5050
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie50
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ1010
Kamientary
Žyvie Biełaruś!
[Zredahavana]