Andžej Pačobut uvajšoŭ u pieralik troch finalistaŭ premii imia Sacharava
Členy Kamitetaŭ pa zamiežnych spravach i raźvićci siońnia prahałasavali ŭ čaćvier ranicaj za troch finalistaŭ Premii Sacharava za svabodu dumki 2025 hoda.
Heta źniavolenyja žurnalisty, što «zmahajucca za vašu i našu svabodu» — Andžej Pačobut ź Biełarusi i Mzija Amahłobieli z Hruzii;
— Žurnalisty i rabotniki humanitarnaj dapamohi ŭ Paleścinie i va ŭsich zonach kanfliktaŭ, pradstaŭlenyja Sajuzam paleścinskich žurnalistaŭ, Čyrvonym Paŭmiesiacam i Blizkaŭschodnim ahienctvam AAN dla dapamohi paleścinskim biežancam.
— Sierbskija studenty.
Kanfierencyja prezidentaŭ, u skład jakoj uvachodziać prezident Jeŭrapiejskaha parłamienta Robierta Mietsoła i lidary palityčnych hrup, vybieruć łaŭreata 2025 hoda z hetaha šort-lista. Heta adbudziecca praz tydzień, u sieradu 22 kastryčnika.
Cyrymonija ŭznaharodžańnia Premijaj Sacharava za svabodu dumki, jakaja praduhledžvaje ŭznaharodu 50 000 jeŭra, adbudziecca 16 śniežnia ŭ Strasburhu.
***
Premija Sacharava za svabodu dumki — heta štohadovaja ŭznaharoda Jeŭrapiejskaha parłamienta, jakaja pryznačajecca asobam abo arhanizacyjam, jakija adstojvajuć pravy čałavieka i svabodu mierkavańniaŭ. Nazvanaja ŭ honar savieckaha fizika i pravaabaroncy Andreja Sacharava, i pryznanaja adnoj z samych prestyžnych premijaŭ u pravaabarončaj halinie. Pieršymi łaŭreatami premili stali ŭ 1988 hodzie viazień na toj momant Nielsan Mandeła i ŭkrainski dysident Alaksandr Marčanka.
Ad Biełarusi łaŭreatami premii byli Biełaruskaja asacyjacyja žurnalistaŭ (2004), Alaksandr Milinkievič (2006), biełaruskaja apazicyja (2020). U minułym hodzie łaŭreatami premii stali lidary vieniesuelskaj apazicyi Maryja Karyna Mačada, što sioleta ŭznaharodžanaja nobieleŭskaj premijaj miru, i Edmunda Harsija Hansales.
Ciapier čytajuć
Biełaruska raspačała čelendž «40 spatkańniaŭ», ale ŭžo na siaredzinie nie chavaje rasčaravańnia ŭ mužčynach44
Kamientary