Kampanija OpenAI, jakaja pracuje ŭ halinie štučnaha intelektu, płanuje pašyryć śpiektr kantentu, jaki stvaraje jaje čat-bot ChatGPT. Pavodle słoŭ kiraŭnika OpenAI Sema Altmana, kampanija vyrašyła «stavicca da darosłych karystalnikaŭ jak da darosłych» i, u liku inšaha, dazvolić čat-botu hienieravać eratyčnyja materyjały, piša BBC.
U svaim dopisie ŭ sacsietcy X Altman napisaŭ, što nastupnaja viersija ChatGPT, jakaja vychodzić u śniežni, nie budzie abmiažoŭvać adkryty kantent i budzie «dazvalać bolš, naprykład, erotyku dla vieryfikavanych darosłych».
«Kali vam treba, kab ChatGPT adkazvaŭ vam zusim jak čałaviek, ci vykarystoŭvaŭ proćmu emodzi, ci ž pavodziŭ siabie jak siabar, ChatGPT pavinien heta rabić (ale tolki kali vy sapraŭdy hetaha chočacie, a nie tamu, što my sprabujem naraścić abjomy vykarystańnia)», — piša Altman.
Padobny krok niadaŭna zrabiła kampanija Iłana Maska xAI, jakaja zabiaśpiečyła svoj Grok dvuma čat-botami, što vydajuć adkryty sieksualny kantent.
Dazvoł eratyčnaha kantentu moža pryciahnuć u OpenAI bolš płatnych padpisčykaŭ. Ale jon taksama zdolny prymusić zakanadaŭcaŭ uvieści bolš žorstkija abmiežavańni ŭ pracy čat-botaŭ.
Pytańni ab kantroli nad čat-botami
Apošnim časam hučyć usio bolš zaklikaŭ źviarnuć uvahu na pracu płatformaŭ, zasnavanych na štučnym intelekcie.
Baćki 16‑hadovaha amierykanskaha padletka Adama Rejna, jaki skončyŭ žyćcio samahubstvam u krasaviku hetaha hoda, padali pazoŭ suprać OpenAI. Jany abvinavacili kampaniju ŭ niepravamiernym pazbaŭleńni žyćcia.
Sužency z Kalifornii zajavili, što isnyja ŭ ChatGPT miechanizmy baćkoŭskaha kantrolu niedastatkova efiektyŭnyja i nie zabiaśpiečvajuć biaśpieku jaho vykarystańnia. U jakaści dokazu svaich śćviardžeńniaŭ siamja padała kopii pierapisak pamiž Adamam i ChatGPT, u jakich jon pryznajecca, što zadumvajecca pra suicyd.
U svaim dopisie, apublikavanym 14 kastryčnika, Altman zajaviŭ, što OpenAI praduhledzieła «značnyja abmiežavańni» ŭ pracy ChatGPT dla zabieśpiačeńnia «aściarožnaści ŭ pytańniach psichičnaha zdaroŭja».
«My razumiejem, što heta zrabiła jaho mienš karysnym/pryjemnym dla mnohich karystalnikaŭ, u jakich niama prablem ź psichičnym zdaroŭjem, ale, uličvajučy surjoznaść prablemy, my chacieli zrabić usio pravilna», — skazaŭ pry hetym Altman.
Pavodle jaho słoŭ, u vyniku kampanija zmahła źnizić surjoznyja ryzyki dla psichiki i raspracavała novyja instrumienty, jakija dazvalajuć «biaśpiečna asłabić abmiežavańni ŭ bolšaści vypadkaŭ».
Krytyki ličać, što rašeńnie OpenAI dazvolić erotyku padkreślivaje nieabchodnaść bolš strohaha rehulavańnia z boku dziaržavy.
«Jak jany źbirajucca zrabić tak, kab dzieci nie mahli atrymać dostup da tych častak ChatGPT, jakija pryznačany tolki dla darosłych i ŭtrymlivajuć erotyku? — pytajecca Dženi Kim, partnior jurydyčnaj firmy Boies Schiller Flexner. — Open AI, jak i bolšaść bujnych technałahičnych kampanij u hetaj śfiery, prosta vykarystoŭvaje ludziej jak paddoślednych trusoŭ».
Kim taksama biare ŭdzieł u sudovym pracesie suprać kampanii Meta, jakoj naležyć sietka Instagram: pazoŭniki śćviardžajuć, što ałharytm dadatku nanosić škodu psichičnamu zdaroŭju padletkaŭ-karystalnikaŭ.
Ciapier čytajuć
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary
Nieŭzabavie nas čakaje lehalizacyja takoj kolkaści brydoty, što roznyja tam ŁHBT cnatlivymi niečapankami padaducca.
1. Žielezo nado Nvidia 4060Ti 16 GB naprimier, i pobolšie opierativki. Hihov 60. Prociessor nie osobo važien.
2. Fotošop, himp, čto-nibud́ takoje, no nie obiazatielno.
3. AI proha, Fooocus na hitchabie, takžie nado LoRAs.
4. NSFW modieli realism by stable yogi, Lustify. Možno jeŝio Untamed poprobovať.
5. Vsio čto vyšie hienierit izobražienija. Čtoby sdiełať vidieo, ComfyUI s Wan 2.2 Image-to-video. Tut nado vidieokarta pomoŝnieje. Možno diełať vidos v maleńkom razriešienii s 16 fps, potom intierpolirovať RIFE VFI.
6. ...
7. PROFIT