Hienprakuratura Litvy spyniła rasśledavańnie pa spravie ab pasadcy samalota Ryanair u Minsku
Hienieralnaja prakuratura Litvy pryniała rašeńnie spynić pravodzimaje ŭ krainie dasudovaje rasśledavańnie pa spravie ab prymusovaj pasadcy ŭ Minsku 23 maja 2021 hoda samalota «Ryanair», jaki lacieŭ z Afin u Vilniu, ź jakoha źniali Ramana Pratasieviča i Safiju Sapiehu, paviedamlaje LRT.
Jak paviedamiła prakuratura ŭ čaćvier, rasśledavańnie spyniena z ulikam taho, što anałahičnaje rasśledavańnie pravodzicca ŭ Polščy.
Sumiesnaja śledčaja hrupa Litvy i Polščy vyrašyła, što dalejšaje rasśledavańnie i praces pryciahnieńnia vinavatych da kryminalnaj adkaznaści budzie pradoŭžany ŭ Polščy.
Na borcie hetaha samalota znachodziŭsia biełaruski apazicyjny błohier, adzin z byłych supracoŭnikaŭ kanała Nexta Raman Pratasievič, a taksama jaho siabroŭka — studentka Jeŭrapiejskaha humanitarnaha ŭniviersiteta ŭ Vilni Safija Sapieha. Jany byli zatrymanyja ŭ aeraporcie Minska.
Dasudovaje rasśledavańnie było pačata 23 maja 2021 hoda paśla atrymańnia paviedamleńnia ab tym, što zarehistravany ŭ Polščy pasažyrski samalot Ryanair, jaki nakiroŭvaŭsia z Afin u Vilnius i na borcie jakoha znachodzilisia hramadzianie Litvy i inšych krain, byŭ vymušany źmianić maršrut i ździejśnić prymusovuju pasadku ŭ Minsku.
Rasśledavańnie pravodziłasia pa artykułach ab prymusovym źniknieńni asob i zachopie pavietranaha sudna.
24 maja 2021 hoda Polskaja prakuratura taksama pačała rasśledavańnie pa fakcie pradastaŭleńnia niepraŭdzivaj infarmacyi ab nibyta vybuchovaj pryładzie na borcie, u vyniku čaho piłoty byli vymušany ździejśnić avaryjnuju pasadku ŭ Minsku. Taksama rasśledujecca fakt zachopu kantrolu nad samalotam, zarehistravanym u Polščy, i zatrymańnia jaho pasažyraŭ.
Rašeńnie ab spynieńni rasśledavańnia było pryniata paśla acenki dadzienych i dakumientaŭ, sabranych u chodzie dasudovaha rasśledavańnia, što pravodziłasia Kryminalnym palicejskim biuro Litvy, i ŭ vykanańnie pravavych norm, jakija zabaraniajuć padvojnaje pakarańnie za adno i toje ž złačynstva.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary