Pa ŭsioj Biełarusi na tydzień spynili praviadzieńnie płanavych abortaŭ
Ministerstva achovy zdaroŭja Biełarusi pravodzić prafiłaktyčnuju akcyju, padčas jakoj na tydzień prypyniajucca płanavyja aborty pa inicyjatyvie žančyny.
Akcyja «Tydzień biez abortaŭ» prachodzić z 14 pa 21 kastryčnika.
Płanavyja aborty pa žadańni žančyny ŭ hety čas pa ŭsioj krainie časova nie pravodziać. Vyklučeńnie — aborty pa miedycynskich pakazańniach, paćvierdžanych daktarami.
Minzdaroŭja tłumačyć hetu inicyjatyvu jak čas, kali žančyna moža spakojna abdumać svajo rašeńnie, atrymać padtrymku i infarmacyju.
U ramkach akcyi ŭ miedycynskich ustanovach prachodziać kansultacyi pa pytańniach achovy maciarynstva, płanavańnia siamji i biaśpiečnych rodaŭ. Miedyki nahadvajuć ab mahčymych nastupstvach chirurhičnaha pieraryvańnia ciažarnaści, siarod jakich: ryzyka biaspłodździa, uskładnieńni pry budučych rodach.
Śpiecyjalisty kažuć, što aborty — vielmi surjozny krok, na jaki možna vyrašycca, tolki staranna ŭsio abdumaŭšy. Lepšaj prafiłaktykaj jany nazyvajuć piśmiennaje płanavańnie ciažarnaści i vykarystańnie sučasnych mietadaŭ kantracepcyi.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary
[Zredahavana]