U sieradu ŭ Vilni adkryli pomnik lekaru‑litvaku Cemachu Šabadu, što pasłužyŭ pratatypam doktara Ajbalita.
U starym horadzie Vilni adkryli pomnik lekaru‑litvaku Cemachu Šabadu, jaki źjaŭlajecca pratatypam hałoŭnaha hieroja kazki Karnieja Čukoŭskaha «Doktar Ajbalit».
«Kali ja čytaŭ kazku pra Ajbalita, jašče nia viedaŭ, što jana stvorana na padstavie žyćcia realnaha doktara. Užo tady takija vialikija ludzi byli achutanyja pyłam zabyćcia, ciapier pryjšoŭ čas ścierci jaho», — zaznačyŭ premjer‑ministar Litvy Hiedyminas Kirkiłas.
Incyjataram ustalavańnia pomnika byŭ «Fond litvakoŭ», zasnavany ŭ 2004 h.
Doktar Šabad (1864—1935), pryśviaciŭ svajo žyćcio lačeńniu dziaciej i biedniakoŭ. Pa jahonaj inicyjatyvie ŭ Vilni byŭ stvorany prytułak dla sirotaŭ, realizoŭvalisia sacyjalnyja prahramy.
Pavodle skulptara Romasa Kvintasa, pomnik ustalavany na tym miescy, dzie znakamity habrejski doktar, što žyŭ niepadalok i vyjšaŭ prahulacca pa Starym horadzie, sustreŭ dziaŭčynku z kotkaj na rukach. U žyvioły ŭ jazyku tyrčeŭ rybacki kručok, jaki Šabad adrazu lohka vydaliŭ pincetam. Šabad sapraŭdy nia raz lačyŭ čaćvieranohich siabraŭ vilenskaj dziatvy, choć byŭ «čałaviečym» doktaram.
Dvojčy, jašče da Pieršaj suśvietnaj vajny, padčas pryjezdaŭ u Vilniu, u jahonym domie i spyniaŭsia Karniej Čukoŭski. Piśmieńnik raskazvaŭ, što mienavita Šabad staŭ dla jaho pratatypam doktara Ajbalita.
Ciapier čytajuć
Chto z palitviaźniaŭ vyjšaŭ na svabodu 16 vieraśnia POŬNY ŚPIS16
Kamientary