«Прозвішчы паўстанцаў носяць і нашы сучаснікі, якія забыліся на сваіх продкаў»
Гродзенскія мастакі рыхтуюць выставу да гадавіны паўстання Каліноўскага.
Яна мае адчыніцца 22 студзеня ў мастацкай галерэі «Крыга» (Савецкая, 3-11). 11 снежня ў галерэі прайшла нарада, падчас якой гісторыкі Алесь Краўцэвіч і Алесь Смалянчук кансультавалі і натхнялі мастакоў. Прадстаўнікі творчага асяродку (сярод іх — Станіслаў Кічко, Сяргей Грыневіч, Андрэй Філіповіч, Валянціна Шоба) плануюць выезды па месцах Паўстання, мажліва ў форме пленэру.
Мастак і краязнавец Вітаўт Іваноўскі, прадзед якога ўдзельнічаў у бітве пад Мілавідамі, нагадаў, што ў Польшчы яшчэ ў 1933 г. быў створаны Камітэт увекавечання памяці паўстанцаўпад кіраўніцтвам генерала Рыдз-Сміглага.
«Калі мы глядзім прозвішчы ўдзельнікаў паўстання, то бачым, што іх носяць і нашы сучаснікі, якія забыліся на сваіх продкаў» — дадаў мастак.
Гісторык Алесь Краўцэвіч звярнў увагу на ціск датычны асобы Каліноўскага з боку ўлады:
«Сёння ідзе спроба збурыць адзіны нацыянальны міф, які нам застаўся з савецкага часу. Паставіць гэтаму заслону — наш грамадскі абавязак».
Азёры, Святое Балота, Парэчча, Кадыш… — толькі некаторыя мясціны, звязаныя з Паўстаннем у ваколіцах Гродна. Сам Кастусь Каліноўскі цягам Паўстання пэўны час займаў пасаду камісара па Гродзеншчыне, а таксама хаваўся ў сяброў Гродзенскай Рэвалюцыйнай Арганізацыі напярэдадні і падчас падзеяў 1863-64 г.
Нагадаем, што на наступны год прыпадае 150-я гадавіна Паўстання, якая будзе шырока адзначацца на дзяржаўным узроўні ў Польшчы ды Літве, у Беларусі ж ушанаванні ў 2013 г. хутчэй пройуць з ініцыятывы грамадскасці.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары