Seks bolš efiektyŭny dla pachudańnia, čym prahułki
Kanadskija daśledčyki vyśvietlili, što zaniatki seksam ani nie mienš karysnyja ŭ spravie pachudańnia, čym umieranyja fizičnyja nahruzki. Jany navat bolš efiektyŭnyja, čym piešyja prahułki, i adnaznačna bolš pryjemnyja.
Navukoŭcy z Univiersiteta Kviebieka narešcie dali adkaz na pytańnie ab tym, ci možna rasceńvać zaniatki seksam u jakaści zamieny fizičnych nahruzak.
Bo doŭhi čas mnohija ludzi śćviardžali, što seks zamianiaje im fizkulturu i dazvalaje zachoŭvać dobruju fizičnuju formu, adnačasova dajučy mahčymaść jašče i atrymlivać vialikaje zadavalnieńnie.
Vyśvietliłasia, što heta śćviardžeńnie nie pazbaŭlena zdarovaha sensu.
Padčas zaniatkaŭ seksam mužčyny, u siarednim, spalvajuć pa 4,2 kałoryi u chvilinu, a žančyny pa 3,1. Kali sychodzić ź siaredniaj praciahłaści pałavoha aktu ŭ 27 chvilin (minimalny ŭ chodzie apytańnia byŭ ustanoŭleny na ŭzroŭni 10 chvilin, a maksimalny — u 52), to ahulnaja kolkaść spalenych kałoryj składzie 104 dla mužčyny i 69 dla žančyny.
U cełym, heta navat bolš, čym pry piešaj prahułcy, ale nie tak šmat, jak pry zaniatkach bieham. Dla paraŭnańnia, na biehavoj darožcy mužčyna spalvaje za adnu chvilinu krychu bolš za 9 kałoryj, a žančyna kala 7.
I choć pachudańnie z dapamohaj seksu nijak nie nazavieš chutkim, hety typ fizičnych nahruzak varta pryznać całkam dapuščalnym.
Darečy, raniej navukoŭcy z Univiersiteta Ałabamy vyśvietlili, što za siaredni pa praciahłaści pałavy akt spalvaje ŭsiaho 21 kałoryju.
Ale jany adšturchoŭvalisia ad mierkavańnia, što hety akt doŭžycca ŭsiaho 6 chvilin — nie nadta aptymistyčny pakazčyk. Mahčyma, jon spraviadlivy tolki dla muža i žonki, jakija ŭžo šmat hadoŭ pražyvajuć razam.
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary