Прэм’ера «Пана Тадэвуша» ў Купалаўскім у пастаноўцы Пінігіна — 15 студзеня
Нацыянальны акадэмічны тэатр імя Янкі Купалы вызначыўся з датамі сваёй новай прэм’еры. Спектакль «Пан Тадэвуш» у пастаноўцы Мікалая Пінігіна будзе паказаны на вялікай сцэне 15, 16 і 17 студзеня (серада — пятніца).
Гэта будзе першая сцэнічная версія паэмы Адама Міцкевіча ў беларускім тэатры. Дзеянне ў творы, перакладзенага Язэпам Семяжонам, развіваецца на працягу пяці дзён 1811 і аднаго дня 1812 года. Апісаныя там падзеі адбываюцца на берагах Нёмана напярэдадні прыхода Напалеона на нашыя землі.
Пана Тадэвуша сыграе Павел Харланчук, Графа — Раман Падаляка, Тэлімену — Юлія Шпілеўская і Святлана Анікей, Зосю - Марта Голубева і Крысціна Казак.
Для Купалаўскага тэатра спектакль стане першай прэм’ерай пасля рэканструкцыі, якая скончылася ў сакавіку гэтага года. З таго часу Мікалай Пінігін ажыццявіў аднаўленне легендарнай «Паўлінкі», якая ідзе ў Купалаўскім з 1943 года. А таксама пераносіў на сцэну спектаклі, якія раней ішлі на іншых пляцоўках.
Напрыклад, 27 і 28 снежня ў тэатры пасля доўгага перапынку пакажуць пастаноўку «Translations». Гэта гісторыя пра каланізацыю Ірландыі Англіяй, або як англійская мова выцясняе ірландскую. Дарэчы, англічане ў пастаноўцы кажуць па-руску, ірландцы - па-беларуску.
Цікава, наколькі палітычнае супрацьстаянне будзе адлюстравана ў «Пану Тадэвушу».
Герой паэмы ксёндз Робак агітуе шляхту да паўстання супраць расійскіх войскаў і бітвы на баку Напалеона.
Разам з Пінігіным над новай пастаноўкай працуюць мастак Зіновій Марголін, мастак па касцюмах Алена Ігруша і кампазітар Андрэй Зубрыч.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Цяпер чытаюць
Лукашэнка: Мы гатовыя заключыць вялікую здзелку з ЗША62
Каментары