Выйшла кніга Сяргея Кавалёва пра беларускую літаратуру з 1985 па 2020 год
У выдавецтве Універсітэта Марыі Кюры-Складоўскай (Люблін) выйшла з друку манаграфія драматурга і літаратуразнаўцы Сяргея Кавалёва «Беларуская літаратура перыяду трансфармацыі. Абрысы замглёнага краявіду».
Як тлумачыць сам аўтар у сацсетках, гаворка ў працы ідзе пра літаратуру ў перыяд з 1985 па 2020 гады, піша bellit.info.
У кнізе разглядаюцца асобныя жанры (паэзія, проза, драматургія, эсэістыка і крытыка), творчыя індывідуальнасці (Кастусь Тарасаў, Алег Бембель (Зьніч), Сяргей Дубавец, Анатоль Сыс, Алег Мінкін, Вялянцін Акудовіч, Макс Шчур, Альгерд Бахарэвіч і інш.), выкарыстоўваюцца розныя літаратуразнаўчыя метадалогіі (даследаванне аўтарскіх стратэгій і траекторый, геапаэтыка, кампаратывістыка і інш.).
Кніга неўзабаве мае з’явіцца ў продажы на сайце выдавецтва Wydawnictwo.umcs.eu.
Сяргей Кавалёў падзяліўся зместам кнігі:
Уводзіны
І. Маніфесты, праграмы, дэкларацыі
Маніхвэст Тутэйшых і адлюстраванне ідэйна-эстэтычнай праграмы «Тутэйшых» у афіцыйным друку
Новая культурная сітуацыя: ідэйна-эстэтычныя праграма адроджанай «Нашай Нівы»
ІІ. Паэзія, проза, драматургія
Апостал нонканфармізму: ранні перыяд творчасці Зьніча (Алега Бембеля)
Карабель у бурлівым моры часу: раман Кастуся Тарасава «Пагоня на Грунвальд»
Прарок — блазен — легенда: аўтарская траекторыя Анатоля Сыса
Полацк — Вільня — Масква… Паэтычныя і біяграфічныя вандроўкі Алега Мінкіна
Канцэпт свабоды ў сучаснай беларускай паэзіі (на матэрыяле праекту «Радыё Свабоды» Верш на свабоду)
Беларускі патрыятызм рускамоўнай прозы: раман-фэнтэзі Нікі Ракіцінай «Гонитва»
Таямніца Імаверскай Кнігі: раман Макса Шчура «Там, дзе нас няма»
Вобраз краіны і грамадства ў люстэрку сучаснай драматургіі (на прыкладзе п’ес «Экспонаты» Вячаслава Дурнянкова, «Слава Героям» Паўла Ар’е, «Опиум» Віталія Каралёва)
ІІІ. Эсэістыка, крытыка, літаратуразнаўства
Беларусы ў Парыжы: версія Альгерда Бахарэвіча
Беларускі Сізіф у люстэрку часу: хронікі Валянціна Акудовіча
На памежжы крытыкі і літаратуразнаўства: культурны градыент Ганны Кісліцынай
Адкрывальнік новых імёнаў: рунь Арнольда Макміліна
Біяграфічны нарыс з элементамі літаратуразнаўства: Андрэй Мельнікаў пра Анатоля Сыса.
Чаму мы прайгралі ў 2020 годзе? Развагі Міколы Дзядка21
Каментары