Дырэктарку даследчай кампаніі Mia Research амаль два гады ўтрымліваюць за кратамі за сацыялагічнае даследаванне
У снежні 2023 года ў Беларусі затрымалі дырэктарку і сузаснавальніцу даследчай кампаніі Mia Research Ірыну Буйневіч. Увесь гэты час яе трымаюць пад вартай, але праваабаронцам пра гэта стала вядома толькі цяпер, піша «Вясна».
Па стане на жнівень 2025 года Ірына знаходзілася ў СІЗА-1 і над ёй ужо некалькі месяцаў адбываўся суд. Але невядома, ці ўжо быў вынесены прысуд.
Ірына Буйневіч — дырэктарка і сузаснавальніца даследчай кампаніі Mia Research. Яна мае дзве вышэйшыя адукацыі: першая спецыяльнасць — сацыялогія, а другая — бухгалтарскі ўлік, аналіз і аўдыт.
Буйневіч затрымалі ў снежні 2023 года. Прыкладна ў той жа час быў затрыманы і Яўген Краснянскі, якога нядаўна асудзілі да сямі з паловай гадоў зняволення за сацыялагічнае даследаванне пра кавід у Беларусі.
Раней Следчы камітэт паведамляў пра затрыманне разам з Краснянскім яшчэ дзвюх мінчанак 37 і 43 гадоў. Верагодна, гаворка ішла ў тым ліку пра Ірыну Буйневіч.
Як сцвярджала ведамства, жанчыны нібыта праводзілі сацыялагічнае даследаванне пра наяўнасць пераваг сярод грамадзян у развіцці краіны з дапамогай інтэграцыі з краінамі Еўрапейскага Саюза. Каб прыйсці да пажаданага выніку, жанчыны нібыта апытвалі прадстаўнікоў фокус-групы, якія маюць «загадзя негатыўнае стаўленне да наяўнай у дзяржаве палітычнай сістэмы і канстытуцыйнага ладу».
Супраць фігурантаў справы былі выстаўленыя абвінавачванні паводле ч. 1 арт. 356 КК (здрада дзяржаве) і арт. 243‑3 КК (ухіленне ад выплаты страхавых унёскаў, што прывяло да нанясення шкоды ў асабліва буйным памеры).
Па інфармацыі праваабаронцаў, у жніўні гэтага года жанчына яшчэ знаходзілася ў СІЗА-1 і па яе справе прайшло шмат судовых пасяджэнняў. Невядома, ці ўжо вынеслі прысуд.
Таксама «Вясне» вядома, што крымінальная справа была заведзеная за сацыялагічнае даследаванне, якое праводзіла кампанія, у якой Ірына працавала да заснавання Mia Research. Вядома, што сведкай па справе праходзіла калега Ірыны.
Жанчына ў зняволенні трымаецца добра, вывучае кітайскую мову.
Праваабаронцы маюць імёны 88 затрыманых па «справе Гаюна», але арыштаваных больш
Лосік расказаў, як два месяцы таму сустрэў па дарозе ў калонію Пальчыса
За дапамогу Гаюну пасадзілі маладога зампаліта пагранічнай заставы з Хойнікаў
«Кадэбіст выйшаў з пакоя і пакінуў святару пісталет». Што адбываецца з ксяндзом Акалатовічам, якога абвінавацілі ў шпіянажы
Цяпер чытаюць
Ніводзін лукашэнкаўскі СМІ і канал не выкарыстаў слова «рэтранслятары». Што гэта можа азначаць?6
Каментары
Чем меньше отсанется на свободе беларусов с высшим образованием, тем - лучше !
Тем более, что беларусы, при трампе, хорошо торгуются на мировом, невольничьем рынке, который называется "реалполитик США".
Вон, США, за то, что им отдадут беларусов с высшим образованием из тюрем лукашенко, согласны разблокировать порты Прибалтики и успокоить Польшу.