У інтэрнэце распаўсюджваюць чуткі, што замест Лукашэнкі на выбары пойдзе Макей
Фальшывыя «просьбы пра каментары» на гэтую тэму даслалі Наталлі Радзінай і Аляксандру Фядуту.
Да Фядуты яго звярнуўся нехта, хто прадставіў сябе «журналісткай расійскага сайта LifeNews». Ён папрасіў адкаментаваць наступную інфармацыю.
«Як нам стала вядома з надзейных крыніц, Аляксандр Лукашэнка не брацьме ўдзелу ў прэзыдэнцкіх выбарах. Ён мае намер падтрымаць кандыдатуру Уладзіміра Уладзіміравіча Макея (міністр замежных спраў Беларусі)».
Далей «журналістка» пытаецца:
«1. З чым звязана такое рашэнне кіраўніка дзяржавы не балатавацца на 5-ы тэрмін? Якія наступствы гэта будзе мець для Расіі і расійска-беларускіх адносін? 2. Хто такі Уладзімір Макей? Ці задаволіць Уладзімір Макей Маскву? Увесь мінулы год ён шмат часу правёў у еўрапейскіх краінах. Ці азначае гэта разварот замежнай палітыкі Беларусі? 3. Чаму беларускія ўлады перанеслі выбары на вясну?»
Фядута ў рэзкай форме адмовіўся даваць каментары Лайфньюс.
Падобную ж дэзынфармацыю даслалі і рэдактарцы сайта Charter97.org Наталлі Радзінай.
«Здравствуйте! Хотите — верьте, хотите — нет. Выборы пройдут 5 апреля. АГЛ не участвует. Вместо него от власти идет Владимир Владимирович Макей. Решение озвучено 9 января в узком кругу. Всего доброго!!» — прыводзіць яна тэкст.
Радзіна ў сябе ў Фэйсбуку назвала гэты запыт «укідам».
Цяпер чытаюць
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі32
Каментары