Прэзідэнт Францыі Эмануэль Макрон паведаміў, што Францыя дасць Украіне ліцэнзіі на вытворчасць французскіх ракет. Пра гэта ён заявіў падчас сумеснай прэс-канферэнцыі з прэзідэнтам Украіны Уладзімірам Зяленскім, а таксама лідарамі Вялікабрытаніі і Германіі Кірам Стармерам і Фрыдрыхам Мерцам, паведамляе «Еўрапейская праўда».
Па словах Макрона, гаворка ідзе пра ліцэнзійную вытворчасць ракет Aster, якія выкарыстоўваюцца ў зенітных ракетных комплексах SAMP/T, распрацаваных Францыяй сумесна з Італіяй. Ён таксама адзначыў, што некалькі іншых краін ужо прынялі падобныя рашэнні аб перадачы Украіне ліцэнзій на вытворчасць узбраення.
Французскі прэзідэнт паведаміў, што разам з Уладзімірам Зяленскім яны зацвердзілі дарожную карту двухбаковага супрацоўніцтва, якая прадугледжвае далейшае развіццё ўзаемадзеяння ў сферы супрацьпаветранай абароны. У яе рамках Украіна набудзе першую партыю сістэм SAMP/T новага пакалення, якія дапоўняць ужо запланаваныя пастаўкі сродкаў супрацьпаветранай абароны.
У сваю чаргу Уладзімір Зяленскі падзякаваў Францыі за рашэнне перадаць ліцэнзіі на вытворчасць ракет Aster і SCALP, назваўшы гэты крок важным для ўмацавання абараназдольнасці краіны.
Раней прэзідэнт ЗША Дональд Трамп таксама паведаміў, што Вашынгтон гатовы даць Украіне права на вытворчасць ракет-перахопнікаў для сістэм Patriot. Паводле паведамленняў СМІ, іх выпуск, хутчэй за ўсё, будзе арганізаваны на тэрыторыі адной з еўрапейскіх краін, сярод якіх разглядаецца Германія.
Трамп гатовы дазволіць Украіне вырабляць у сябе ракеты для Patriot
У Еўропе стварылі кааліцыю па абароне ад балістычных ракет
«Вы так і перадайце: пойдуць сюды — хана ім будзе!» Рэпартаж з украінскіх вёсак за 500 метраў ад Беларусі
Трамп заявіў, што падтрымлівае ўдары Украіны ўглыб Расіі
ЗША будуць купляць дроны ва Украіны — якую прапаганда называла дэіндустрыялізаванай і «краінай 404»
Дэпутатка, якая рыхтуе прыгажунь для Лукашэнкі, выйшла замуж23
Каментары