З бензінам бяда, а елі на бардзюры: былая фрыстайлістка Асоль Слівец з чатырма дзецьмі вяртаецца з адпачынку ў Расіі
Знакамітая спартсменка паехала на машыне з чатырма дзецьмі і сваёй мамай адпачываць на мора ў Расіі. 1800 кіламетраў шляху назад даецца не без прыгод.
Нягледзячы на патэнцыйную небяспеку, Асоль Слівец вырашыла адвезці чатырох дзяцей на мора ў Расіі. Малодшаму з іх усяго два гады. Другі муж спартсменкі не паехаў з імі. Дапамагала з такой вялікай кампаніяй дзяцей маці Асоль.
Сама ж жанчына сядзела за стырном машыны — 1800 кіламетраў у адзін бок. Стартавалі ў канцы чэрвеня, маршрут праклалі праз Магілёў, Бранск, Арол.
Тады Асоль распавядала ў сторыс, што праблем з бензінам на трасе М4 Масква — Наварасійск няма, але вось па-за трасай паліва не заўсёды ёсць. Скардзілася на тое, што ў Расіі немагчыма цяпер карыстацца навігатарам, бо GPS увесь час знікае. Ды і відэарэгістратар рэкамендавала адключаць, каб выпадкова не зняць нешта: «Бо здымеш нешта, а гэта рэжымны аб’ект. Па трасе вайсковую тэхніку вязуць».
Дзялілася і тым, што не давала дзецям планшэты ды не ўключала мульцікі, бо іх загойдвала. Таму ў дарозе яны елі, спалі і гулялі ў словы.
Сам адпачынак сям’і спадабаўся. Асоль пісала ў інстаграме: «Так, адпачываць з дзецьмі няпроста, але эмоцыі і адкрыцці вартыя любога клопату. Бо менавіта так нараджаюцца самыя цёплыя ўспаміны».
А вось на шляху дадому было больш прыгодаў. Асоль распавядае: «З бензінам бяда. З дызелем лепей, але ўсё роўна напружана. Едзеш 600 кіламетраў у пошуку. Ці зачынена, ці гадзінныя чэргі».
Есці даводзіцца ў літаральным сэнсе на дарозе. Паколькі на запраўках ажыятаж, бутэрброды робяць проста на бардзюрах.
Сама ж кіроўца распавядае лайфхак, як не стамляцца за стрыном: «Я прыйшла да працоўнай схемы: пакуль яны ядуць, мыюць рукі і размінаюць ногі — я як кіроўца сплю. Паесці я магу падчас язды. Гэта і адцягвае ўвагу, і не дае заснуць».
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары