«Гарадзенскай праваабароне» стала вядома, што днямі затрымалі каталіцкага святара Юрыя Грыцко. Здарылася гэта ў мястэчку Дзярэчын Зэльвенскага раёна, у парафіі якога служыць ксёндз.
Юрый Грыцко
Мясцовыя ўлады патэлефанавалі святару ў чацвер, 9 ліпеня, і сказалі прыехаць у сельсавет. Калі ксёндз прыехаў туды да 17‑й гадзіны, там яго чакалі міліцыянеры. Святар быў затрыманы, а рукі яму зашчапілі кайданкамі. Пасля таго Юрыя Грыцко павезлі ў пастарунак, а машына яго засталася стаяць пры сельсавеце.
На наступны дзень, у пятніцу 10 ліпеня, Грыцко асудзілі да арышту на 15 сутак. Паводле якой справы затрыманы святар — пакуль невядома.
Цяпер чытаюць
Латвія «па тэхнічных прычынах» закрыла мяжу з Беларуссю9
Каментары
Яўна кампанія ідзе па касцёле. І не толькі па касцёле. Іншая кампанія ідзе па розных этна ініцыятывах. Закрылі Рагну, Гонар і яшчэ забыўся каго з гэтай сферы, ведаю пра некаторыя арышты. Я ад гэтага чакаю чарговага істотнага ўзросту дабрабыту шчырых люццоў. Больш дарагіх машын і элітных квадратных метраў.
Чым больш манкуртоў і набрыдзі нярускіх закатуеш, тым лепш зажывеш на рускіх замовах і датацыях. Папросту збываюцца пракаветныя мары Шчырага Сялянскага Этнасу. Паперла яму карта як ніколі дагэтуль у гісторыі