На памятным камені на месцы бітвы пад Палонкай з'явілася шыльда ФОТА
Шыльда з барэльефам з'явілася на месцы бітвы пад Палонкай у Баранавіцкім раёне. Так было адзначанае 355-годдзе адной з самых слаўных перамог у гісторыі Беларусі.
Мемарыяльны камень на месцы на месцы бітвы пад Палонкай стаіць з 1990-х. Да яго цяпер дадаўся новы, прыгожы, з годным барэльефам.
Бітва пад Палонкай адбылася 28 чэрвеня 1660 года. У ёй аб'яднаныя сілы Вялікага Княства Літоўскага і Каралеўства Польскага перамаглі войскі Маскоўскай дзяржавы.
Нашымі войскамі камандавалі Павел Ян Сапега і Стэфан Чарнецкі.
На чале маскоўскага войска стаяў князь Іван Хаванскі.
Бітве папярэднічала амаль паўгадовая аблога Ляхавіцкага замка.
3 Брэста праз Слонім сілы Рэчы Паспалітай рушылі на дапамогу абаронцам Ляхавічаў. Хаванскі з большай часткай свайго войска выступіў ім насустрач. Войскі сустрэліся пад Палонкай.
Бітва скончылася поўным разгромам інтэрвентаў і стала пераломным момантам у доўгай вайне Рэчы Паспалітай супраць Швецыі, казакоў і Расіі.
Цяпер чытаюць
Скандал у «Еўраопце». 96‑гадоваму дзядулю не дазволілі прысесці на крэсла каля касы20
Каментары