«Я не пайду на выбары», — заявіла нобелеўская лаўрэатка Святлана Алексіевіч на сваёй першай прэс-канферэнцыі пасля абвяшчэння ўзнагароды.
Прэс-канферэнцыя адбылася 8 кастрычніка ў Рэдакцыі газеты «Наша Ніва».
«Не пайду на выбары таму, бо мы ж з вамі ведаем, хто пераможа, — патлумачыла яна. — Напэўна, у яго будзе 76%. Я так думаю. Ён паглядзіць на настроі грамадзтва і прыкіне, колькі можна», — пажартавала яна.
У той жа час яна знайшла добрыя словы для адзінага з кандыдатаў, які паходзіць з нелукашэнкаўскіх структур.
«Калі б я пайшла, галасавала б за Караткевіч. З жаночай салідарнасці, — патлумачыла Алексіевіч. — З-за таго, што я бачу нармальны твар, чую нармальную лексіку, якой я абсалютна ня чую ад мужчын-палітыкаў. Нармальныя касцюмы, нармальныя рэакцыя. Тое, чаго ў мужчын-палітыкаў няма. Дый і проста з-за таго, што нейкія спадзевы. Гэта быў бы новы паварот у нашым жыцці», — адзначыла яна.
Поўнае відэа прэс-канферэнцыі:
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты24
Каментары