На Кастрычніцкай плошчы маладафронтаўцы выказалі Уладзіміру Салаўёву ў твар свае думкі пра яго ВІДЭА
У Мінск прыехаў Уладзімер Салаўёў — вядомы расійскі прапагандыст. Ладзіць свой выступ Салаўёў будзе ў вялікай залі Палаца Рэспублікі.
Анлайн трансляцыю можна глядзець тут:
19:00
Акцыя скончылася, Дашкевіч падзякаваў удзельнікам і журналістам.
18:45
Салаўёў знік у Палацы.
18:40
На прыступках з'явіўся сам Салаўёў. Глядзіць на пратэстоўцаў, пасміхаецца, кажа «Бедныя дзеці».
Кажа — я прадстаўнік рускага свету. Габрэйскага свету. Свету Шэкспіра — бо я люблю Шэкспіра.
18:35
«Зараз гэтых негатыўшчыкаў будуць лавіць!» — з задавальненнем кажуць дзве цётачкі, што прыйшлі на канцэрт.
Кажуць: «Нам Салаўёў як мужчына падабаецца: 6 дзяцей, і вядучы, і кніжкі піша!»
Дашкевіч раздае фільм на дысках. Начальнік у цывільным адпраўляе да яго двух ціхароў: кажа, не чапаць, але шчыльна побач з ім знаходзьцеся.
Пратэстоўцы крычаць: «Спачатку саюз, потым анексія!»
«Грамадзяне бандэраўцы, разыходзьцеся», — кажа ім хтосьці з гледачоў.
18:31
Расцяжка «Соловьев-вешатель, изыди» намаляваная на плакатах аб выбарах у парламент.
18:28
Мужчыны, што ідуць на канцэрт, падыходзяць, слухаюць крыкі «Пуцін — гэта вайна» і кажуць — «Самі вы вайна!»
18:25
Дашкевіча акружылі, узялі ў кола чалавек 10 у цывільным, той вырваўся, пасля ўпаў, начальнік «ціхароў» адагнаў людзей, Дашкевічу далі падняцца. Ён зноў ходзіць па плошчы.
18:20
Дашкевіча спрабуюць затрымаць. Ён крычыць «Пуцін — гэта вайна!»
18:15
«Ціхары» і ахоўнікі папрасілі пратэстоўцаў сысці з прыступак Палаца Рэспублікі. Тыя спусціліся, сталі перад будынкам. Час ад часу крычаць «Не — інфармацыйнай вайне!», «Чамадан, вакзал, Расія!»
18:10
На прыступках Палаца Рэспублікі каля дзясятка пратэстоўцаў, сярод іх Зміцер Дашкевіч, Максім Вінярскі, Ніна Багінская.
Пратэстоўцы скандуюць «Жыве Беларусь», «Расія — гэта вайна», «Ілжывай прапагандзе — не», «Пуціну — не». Дашкевіч раздае дыскі з фільмам «Who is Mr. Cалаўёў».
***
Маладафронтаўцы тым часам збіраюцца на акцыю пратэсту. Яны збіраюцца выйсці да Палаца Рэспублікі (пл. Кастрычніцкая) а 18-й гадзіне. «Малюйце плакаты, бярыце з сабою сьцягі — і прыходзьце!» — адзначаецца ў суполцы ў фэйсбуку.
Уладзімір Салаўёў вядомы сваёй журналісцкай гнуткасцю, якая заўсёды супадае з палітычнай пазіцыяй Крамля. Раней ён выступаў з праеўрапейскіх пазіцый, а цяпер расказвае пра «фашысцкую хунту» і распальвае варожасць да ўкраінцаў.
Цяпер чытаюць
«Прачытайце яе гісторыю». Лукашэнку давялося апраўдвацца перад Пуціным за георгіеўскія стужкі5
Каментары