Былы кіраўнік «Белага легіёна» Сяргей Чыслаў: Гэта ўкладваецца ў сцэнар мірнай акупацыі
«Наша Ніва» расшукала за мяжой былога лідара «Белага легіёна» Сяргея Чыслава. Цяпер ён займаецца бізнэсам і асэнсоўвае мудрасць жыцця ў тыбецкім манастыры.
«Трэба стварэнне страшылкі для людзей. Калі на выхадных у інтэрнэце з’явілася падстаўная ўлётка ад імя «Белага легіёна», то было нядобрае адчуванне. У мяне было тры версіі, адкуль гэта магло ўзяцца: 1. Ультрапатрыёты. 2. Беларускія ўлады. 3. Расійскі след.
Першая версія вельмі хутка адпала, а другая і трэцяя могуць паміж сабой перасякацца. Я памятаю і раней перад выбарамі 2010 года праз КДБ, калі ім кіраваў непрафесіянал Зайцаў, укідвалі такія страшылкі для кіраўніка краіны.
Гэта ж такая карцінка атрымліваецца! «Белы легіён» запрашае нейкіх сяброў з Расіі і Украіны, лагеры баевікоў, машына з рэчывам, падобным да траціла, спрабуе прарвацца праз украінска-беларускую мяжу. Мне, дарэчы, хочацца спытаць, што гэта за рэчыва такое падобнае да траціла? Гаспадарчае мыла?
І вось такія даклады кладуць гаспадару на стол. Натуральна, што тут можа сарваць галаву.
Гэта ўсё ўпісваецца ў сцэнар мірнай акупацыі Беларусі, якую праводзіць Расія. Адбываецца зачыстка краіны ад людзей, якія здольныя супрацьстаяць такім планам.
Нездарма гэта ўсё пачалося ў Курапатах. Нас спрабуюць акунуць у 1937-ы год. Толькі агульнабеларуская салідарнасць, як было ва Украіне, можа сарваць такія планы».
-
«Ціханоўскі сваёй жывёльнай харызмай можа зацямніць шмат каго з лідараў». Шрайбман пра вяртанне Ціханоўскага
-
Святлана і Сяргей Ціханоўскія адпраўляюцца ў першы сумесны афіцыйны візіт — у Польшчу
-
«Заходзіш у камеру, а яны кажуць: «Мы з табой адмаўляемся сядзець». Ціханоўскі расказаў, як сутыкнуўся з праблемай нізкага статусу
Цяпер чытаюць
«Заходзіш у камеру, а яны кажуць: «Мы з табой адмаўляемся сядзець». Ціханоўскі расказаў, як сутыкнуўся з праблемай нізкага статусу5
Каментары