Były kiraŭnik «Biełaha lehijona» Siarhiej Čysłaŭ: Heta ŭkładvajecca ŭ scenar mirnaj akupacyi
«Naša Niva» rasšukała za miažoj byłoha lidara «Biełaha lehijona» Siarhieja Čysłava. Ciapier jon zajmajecca biznesam i asensoŭvaje mudraść žyćcia ŭ tybieckim manastyry.
«Treba stvareńnie strašyłki dla ludziej. Kali na vychadnych u internecie źjaviłasia padstaŭnaja ŭlotka ad imia «Biełaha lehijona», to było niadobraje adčuvańnie. U mianie było try viersii, adkul heta mahło ŭziacca: 1. Ultrapatryjoty. 2. Biełaruskija ŭłady. 3. Rasijski śled.
Pieršaja viersija vielmi chutka adpała, a druhaja i treciaja mohuć pamiž saboj pierasiakacca. Ja pamiataju i raniej pierad vybarami 2010 hoda praz KDB, kali im kiravaŭ nieprafiesijanał Zajcaŭ, ukidvali takija strašyłki dla kiraŭnika krainy.
Heta ž takaja karcinka atrymlivajecca! «Bieły lehijon» zaprašaje niejkich siabroŭ z Rasii i Ukrainy, łahiery bajevikoŭ, mašyna z rečyvam, padobnym da traciła, sprabuje prarvacca praz ukrainska-biełaruskuju miažu. Mnie, darečy, chočacca spytać, što heta za rečyva takoje padobnaje da traciła? Haspadarčaje myła?
I voś takija dakłady kładuć haspadaru na stoł. Naturalna, što tut moža sarvać hałavu.
Heta ŭsio ŭpisvajecca ŭ scenar mirnaj akupacyi Biełarusi, jakuju pravodzić Rasija. Adbyvajecca začystka krainy ad ludziej, jakija zdolnyja supraćstajać takim płanam.
Niezdarma heta ŭsio pačałosia ŭ Kurapatach. Nas sprabujuć akunuć u 1937-y hod. Tolki ahulnabiełaruskaja salidarnaść, jak było va Ukrainie, moža sarvać takija płany».
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary