Xiaomi паказала зарадную прыладу, што зараджае смартфон за 17 хвілін
Кітайская кампанія Xiaomi распрацавала зарадную прыладу для смартфона, якая здольная зарадзіць яго за 17 хвілін. Відэа, якое дэманструе працу зараднай прылады, было апублікавана віцэ-прэзідэнтам Xiaomi Лу Вэйбінгам, паведамляе The Verge.
На відэа паказаны дзве мабільныя прылады, а таксама таймер, які паказвае, колькі часу прайшло з моманту пачатку зарадкі. Адна з іх — смартфон з акумулятарам на 4000 мA·г, другая — смартфон Oppo з акумулятарам на 3700 мA·г, падлучаны да зарадкі з тэхналогіяй Super VOOC магутнасцю 50 Вт (гэтая тэхналогія дазваляе зараджаць акумулятар да 75% за 30 хвілін, сцвярджае вытворца).
На роліку відаць: смартфон з акумулятарам ёмістасцю 4000 ма·г, падлучаны да зарадкі Xiaomi, зараджаецца ад 0 да 100% за 17 хвілін. За гэты ж час смартфон Oppo з батарэяй меншай ёмістасці зарадзіўся на 65%.
У канцы роліка на некалькі секунд з'яўляецца надпіс, з якога можна зрабіць выснову, што новая тэхналогія атрымала назву Super Charge Turbo, а магутнасць зараднай прылады складзе 100 Вт.
Кампанія не прывяла ў відэа ніякіх дадатковых дэталей і не назвала дату рэлізу новай тэхналогіі.
-
Назад да ручкі і забарона на смартфоны: універсітэты вымушаныя змяняць фармат заняткаў і кантрольных, інакш ШІ не дае ні вучыць, ні праверыць
-
Google запусціла Gemini 3.5 Transcribe для расшыфроўкі мовы. У спісе ёсць і беларуская
-
Цім Кук развітаўся з пасадай генеральнага дырэктара Apple пасля 15 гадоў кіраўніцтва
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў18
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары