Xiaomi pakazała zaradnuju pryładu, što zaradžaje smartfon za 17 chvilin
Kitajskaja kampanija Xiaomi raspracavała zaradnuju pryładu dla smartfona, jakaja zdolnaja zaradzić jaho za 17 chvilin. Videa, jakoje demanstruje pracu zaradnaj pryłady, było apublikavana vice-prezidentam Xiaomi Łu Vejbinham, paviedamlaje The Verge.
Na videa pakazany dźvie mabilnyja pryłady, a taksama tajmier, jaki pakazvaje, kolki času prajšło z momantu pačatku zaradki. Adna ź ich — smartfon z akumulataram na 4000 mA·h, druhaja — smartfon Oppo z akumulataram na 3700 mA·h, padłučany da zaradki z technałohijaj Super VOOC mahutnaściu 50 Vt (hetaja technałohija dazvalaje zaradžać akumulatar da 75% za 30 chvilin, śćviardžaje vytvorca).
Na roliku vidać: smartfon z akumulataram jomistaściu 4000 ma·h, padłučany da zaradki Xiaomi, zaradžajecca ad 0 da 100% za 17 chvilin. Za hety ž čas smartfon Oppo z batarejaj mienšaj jomistaści zaradziŭsia na 65%.
U kancy rolika na niekalki siekund źjaŭlajecca nadpis, ź jakoha možna zrabić vysnovu, što novaja technałohija atrymała nazvu Super Charge Turbo, a mahutnaść zaradnaj pryłady składzie 100 Vt.
Kampanija nie pryviała ŭ videa nijakich dadatkovych detalej i nie nazvała datu relizu novaj technałohii.
-
Viartańnie dadomu moža stać samaj niebiaśpiečnaj častkaj misii dla kasmanaŭtaŭ «Artemidy-2»
-
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?
-
U siecivie virusiacca foty roznakalarovaha Miesiaca. Jon sapraŭdy taki?
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary