Адпаведны зварот кіраўнік «Белгазпрамбанка» змясціў у сваім фэйсбуку.
«Ніколі не думаў, што буду пісаць такі тэкст і спадзяваўся, што заставацца на пазіцыях эканамічнага аналітыка і не займацца палітыкай мне ўдасца да наступу новых часоў у нашай краіне. Але «ніколі не кажы ніколі»!:(
Такім чынам, я буду вылучаць сваю кандыдатуру на выбарах 9 жніўня.
«Я не наіўны чалавек і выдатна разумею тыя межавыя ўмовы і правілы гульні, якія сфармаваны на гэтым полі ў Беларусі, а самае галоўнае — фінальную частку гэтай «дзеі», якая была сфармуляваная яшчэ ў эпоху Сталіна: няважна, як галасуюць, важна, як лічым.
Аднак, ведаючы ўсё гэта, я веру ў абмежаванасць любой неэфектыўнай сістэмы, у магчымасці, якія прадастаўляюць новыя інструменты на базе сучасных тэхналогій, а самае галоўнае, я вельмі баюся, што гэта апошні шанец хоць нейкіх выбараў у незалежнай Беларусі. І я палічыў для сябе недапушчальным і сараматным шкадаваць пра тое, што не паспрабаваў нешта змяніць, апраўдваючы сябе тым, што змяніць нельга нічога.
«Калі можна сумленна апісаць тую сітуацыю, у якой мы знаходзімся, калі верны аналіз, чаму мы дайшлі да гэтай кропкі, калі можна прапанаваць варыянт вырашэння праблемы, дык трэба і прыняць адказнасць за рэалізацыю гэтага варыянту», — дадае Бабарыка.
***
Віктар Бабарыка
Нарадзіўся ў 1963 годзе ў Мінску. Скончыў БДУ (1988) і Акадэмію кіравання (1995). У банкаўскай сістэме працуе з ліпеня 1995 года. Старшынёй праўлення «Белгазпрамбанка» прызначаны ў ліпені 2000 года.
Цяпер чытаюць
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу144144
Каментары