Адмена «Рэспубліканскага мітынгу» — яшчэ адна перамога пратэстаў
Афіцыйная прычына адмены мегамітынгу ў Мінску — каранавірус. Але верыцца ў такое тлумачэнне з цяжкасцю. (Хоць перавозка людзей, пераважна немаладых, бо такі ў Лукашэнкі застаўся электарат, у аўтобусах і цягніках у час эпідэміі, сапраўды, прывяла б да страшных вынікаў).
Сапраўдная прычына адмены, здаецца, у іншым — негатыўным стаўленні людзей, масавых адмовах. Інфармацыю пра такія адмовы мы атрымлівалі дзясяткамі з самых розных прадпрыемстваў і ўстаноў.
Улады маглі апынуцца другі раз у атмасферы 16 жніўня, калі дэманстрантаў за Лукашэнку было ў разы менш, чым супраць яго. Толькі гэтым разам дэманстранты супраць змяшаліся б з дэманстрантамі за — грымучая сумесь.
Адмена пралукашэнкаўскага мітынгу 25 кастрычніка — чарговая тактычная перамога пратэстаў. Ні 15 тысяч затрыманняў, ні 400 крымінальных спраў, ні вайна з нацыянальнай сімволікай не змусілі палюбіць нялюбага.
Без вызвалення палітвязняў не можа быць дыялогу, а без рэальных змен у сістэме і аднаўлення базавых нормаў законнасці не будзе змены настрояў у грамадстве. Гісторыя з «мегамітынгам» тое чарговы раз паказала.
-
«Усю выгаду ад гэтага займее Масква і Пуцін». Пазняк даў ацэнку візіту Ціханоўскай ва Украіну
-
Як будуць развівацца падзеі, калі Масква зноў, як і ў 2022, пачне наносіць удары па Кіеве з тэрыторыі Беларусі? Магчымыя сцэнары
-
Калеснікава: Я ніколі не кажу пра ваенныя санкцыі. Але існуе спартыўны трэк, памежныя пытанні, медыцына — усё што заўгодна
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне8
Каментары