Грамадства

Палітвязняў судзяць за «цынічны надпіс» каля мемарыяла Тарайкоўскаму. Гаррамааўтадар у 35 разоў зменшыў шкоду

У судзе Фрунзенскага раёна судзяць мінчукоў за «цынічны надпіс» на месцы мемарыяла Аляксандру Тарайкоўскаму, які загінуў 10 жніўня, піша Tut.by.

9 верасня некалькіх мінчукоў затрымалі пасля таго, як яны спрабавалі аднавіць мемарыял Аляксандру Тарайкоўскаму — надпіс на асфальце «Не забудзем».

Па крымінальнай справе аб наўмысным пашкоджанні маёмасці, якія пацягнулі прычыненне шкоды ў буйным памеры,і аб хуліганстве праходзіць некалькі чалавек іх абвінавачваюць па двух артыкулах КК РБ — па ч. 2 арт. 339 і ч. 2 арт. 218. Па першым артыкуле да шасці гадоў пазбаўлення волі, па другім — да 10 гадоў.

Сёння ў судзе Фрунзенскага раёна разглядаюць крымінальную справу ў дачыненні да дваіх: 25-гадовай Марыі Бабовіч і 26-гадовага Максіма Паўлюшчыка.

Справу разглядае суддзя Юлія Блізнюк, дзяржабвінаваўца — Аліна Касьянчык (яна ж учора выступала бокам абвінавачвання ў дачыненні да хлопца, які абразіў Дзмітрыя Балабу). У судзе сабралася больш за 20 чалавек, абвінавачаныя знаходзяцца ў клетцы пад вартай.

Паўлюшчык і Бабовіч абвінавачваюць у тым, што яны, дзейнічаючы групай асоб, знаходзячыся паблізу будынка № 21А па вул.Прытыцкага ў Мінску (павільён ля выхада метро каля мемарыяла Тарайкоўскаму), беспадстаўна, наўмысна здзейснілі апаганьванне збудавання цынічнымі надпісамі і псаванне маёмасці, чым прычынілі маёмасную шкоду ДВА «Гаррамаўтадар Мінгарвыканкама» на агульную суму 7516 рублёў 31 капейку, у буйным памеры.

На судзе з грамадзянскім пазовам выступіла прадстаўніца ДВА «Гаррамаўтадар», яна заявіла аб удакладненні сумы шкоды і сказала, што фактычная сума шкоды склала 211 рублёў 20 капеек, раней агучаная сума ў выглядзе 7,5 тысяч рублёў была папярэдняй.

Адвакаты хадайнічалі аб змене меры стрымання ў сувязі з новымі абставінамі справы.

Складу крымінальнага злачынства па 218-м артыкуле не было — бо заяўленая сума шкоды прадпрыемства да 40 базавых велічынь, а гэта, на думку адвакатаў, адміністрацыйная адказнасць, якая прадугледжвае штраф, а не заключэнне пад вартай. Па 218-м артыкуле абвінавачаным пагражала да 10 гадоў.

У сувязі з гэтым у судзе аб'яўлены перапынак.

Марыя Бабовіч раней не судзімая, прызнаная палітвязнем. Максім Паўлюшчык раней быў судзімы па артыкуле 339, пакаранне адбыў.

Каментары

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку10

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

Егіпецкі самалёт двойчы за ноч сядаў у Мінску па дарозе ў Маскву

У Брэсцкім універсітэце правялі паказальны суд за «абразу Лукашэнкі»5

«Выгуляю сабаку за 5 еўра». Як айцішнік выжывае ў Іспаніі — у Польшчы яго звольнілі за тое, што пераехаў7

У Гданьску беларус сказаў паліцэйскім, што ўдзельнічае ў конкурсе па пошуку схаваных наркотыкаў1

У Польшчы арыштавалі прадстаўнікоў незвычайнага бізнэсу. Яны за плату на пэўны час пераводзілі грошы кліентам, якім патрэбныя былі польскія ДНЖ4

Пуцін, Трамп і Сі паціснулі адзін аднаму рукі і коратка пагутарылі 7

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку10

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць