У Telegram з'явілася функцыя аўтаматычнага выдалення паведамленняў
У месенджары Telegram з'явілася функцыя аўтаматычнага выдалення паведамленняў у любых чатах. Аб гэтым паведамляецца ў афіцыйным блогу Telegram.
«З сённяшняга дня аўтаматычнае выдаленне паведамленняў для ўсіх удзельнікаў даступна ў любым чаце. У гэтым рэжыме паведамленні знікаюць праз 24 гадзіны ці сем дзён пасля адпраўкі», — распавялі ў Telegram.
Пры гэтым аўтаматычнае выдаленне закране толькі тыя паведамленні, якія былі адпраўленыя пасля ўстаноўкі таймера, а больш ранняя перапіска застанецца ў гісторыі чата. Зваротны адлік пачынаецца адразу пасля адпраўкі паведамлення.
У кампаніі нагадалі, што раней «таймер самазнішчэння», які дазваляў не выдаляць паведамленні ўручную, быў даступны толькі ў сакрэтных чатах.
Аўтаматычнае выдаленне закране толькі тыя паведамленні, якія былі адпраўленыя пасля ўстаноўкі таймера — больш ранняя перапіска застанецца ў гісторыі чата. У адрозненне ад сакрэтных чатаў, зваротны адлік пачнецца адразу пасля адпраўкі паведамлення, а не ў момант чытання атрымальнікам.
Каб уключыць аўтаматычнае выдаленне на Android, трэба націснуць⋮ ачысціць гісторыю і выбраць патрэбны часавы інтэрвал.
На iOS заціснуць палец на любым паведамленні, націснуць «выбраць» > «Выдаліць чат» у верхнім левым куце экрана — «настроіць аўтавыдаленне».
Калі таймер уключаны, вы можаце ўбачыць, колькі часу засталося да выдалення таго ці іншага паведамлення ў меню дзеянняў: у групах і каналах уключаць аўтаматычнае выдаленне паведамленняў могуць толькі адміністратары.
Цяпер чытаюць
Вячорка: Сустрэча Сікорскага з Рыжанковым можа ўдарыць па стаўленні да беларусаў у Еўропе23
Вячорка: Сустрэча Сікорскага з Рыжанковым можа ўдарыць па стаўленні да беларусаў у Еўропе
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары