U Telegram źjaviłasia funkcyja aŭtamatyčnaha vydaleńnia paviedamleńniaŭ
U miesiendžary Telegram źjaviłasia funkcyja aŭtamatyčnaha vydaleńnia paviedamleńniaŭ u lubych čatach. Ab hetym paviedamlajecca ŭ aficyjnym błohu Telegram.
«Ź siońniašniaha dnia aŭtamatyčnaje vydaleńnie paviedamleńniaŭ dla ŭsich udzielnikaŭ dastupna ŭ lubym čacie. U hetym režymie paviedamleńni źnikajuć praz 24 hadziny ci siem dzion paśla adpraŭki», — raspaviali ŭ Telegram.
Pry hetym aŭtamatyčnaje vydaleńnie zakranie tolki tyja paviedamleńni, jakija byli adpraŭlenyja paśla ŭstanoŭki tajmiera, a bolš rańniaja pierapiska zastaniecca ŭ historyi čata. Zvarotny adlik pačynajecca adrazu paśla adpraŭki paviedamleńnia.
U kampanii nahadali, što raniej «tajmier samaźniščeńnia», jaki dazvalaŭ nie vydalać paviedamleńni ŭručnuju, byŭ dastupny tolki ŭ sakretnych čatach.
Aŭtamatyčnaje vydaleńnie zakranie tolki tyja paviedamleńni, jakija byli adpraŭlenyja paśla ŭstanoŭki tajmiera — bolš rańniaja pierapiska zastaniecca ŭ historyi čata. U adroźnieńnie ad sakretnych čataŭ, zvarotny adlik pačniecca adrazu paśla adpraŭki paviedamleńnia, a nie ŭ momant čytańnia atrymalnikam.
Kab uklučyć aŭtamatyčnaje vydaleńnie na Android, treba nacisnuć⋮ ačyścić historyju i vybrać patrebny časavy intervał.
Na iOS zacisnuć palec na lubym paviedamleńni, nacisnuć «vybrać» > «Vydalić čat» u vierchnim levym kucie ekrana — «nastroić aŭtavydaleńnie».
Kali tajmier uklučany, vy možacie ŭbačyć, kolki času zastałosia da vydaleńnia taho ci inšaha paviedamleńnia ŭ mieniu dziejańniaŭ: u hrupach i kanałach uklučać aŭtamatyčnaje vydaleńnie paviedamleńniaŭ mohuć tolki administratary.
Ciapier čytajuć
Viačorka: Sustreča Sikorskaha z Ryžankovym moža ŭdaryć pa staŭleńni da biełarusaŭ u Jeŭropie23
Viačorka: Sustreča Sikorskaha z Ryžankovym moža ŭdaryć pa staŭleńni da biełarusaŭ u Jeŭropie
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary