«Мне важна заставацца ў Беларусі». Стала вядома, куды ўладкаваўся выкладчык-філосаф, які звольніўся з БДУ пасля выбараў
Павел Баркоўскі звольніўся з факультэта філасофіі і сацыяльных навук БДУ ў верасні 2020 года, не гатовы мірыцца з ціскам на выкладчыкаў з палітычных матываў. «Нашай Ніве» стала вядома, што цяпер вядомы філосаф уладкаваўся капірайтарам у адну з IT-кампаній.
Павел распавёў, што пасля страты месца на кафедры з галавой сышоў у арганізацыю фестывалю інтэлектуальнай кнігі Pradmova. Таксама паспеў прайсці месячную стажыроўку ў Вене. Меў магчымасць і далей працягваць філасофскую справу за мяжой — напрыклад, пайсці на праграму дактарантуры ў адным з еўрапейскіх універсітэтаў, але прынцыпова вырашыў працягваць працу ў Беларусі.
«Мне як грамадзяніну важна заставацца тут, браць удзел у падзеях, якія адбываюцца ў нашай краіне», — каментуе ён.
Такую магчымасць ён атрымаў пасля запрашэння на пазіцыю капірайтара ў IT-кампанію праз два месяцы звальнення з БДУ. У яго абавязкі ўваходзіць напісанне іміджавых тэкстаў. Пасля навуковых прац гэта аказалася цалкам пасільным, інакш Павел не справіўся б з выпрабавальным тэрмінам.
Баркоўскі адзначае, што на новым месцы яму падабаецца індывідуальны падыход да супрацоўнікаў, увага да іх, свабодны графік, а таксама большы заробак. Пры гэтым зусім завязваць з выкладчыцкай дзейнасцю Павел не плануе: напрыклад, ён працягвае чытаць анлайн-курс па практычнай філасофіі ў Беларускім калегіуме.
Чытайце таксама:
«Беларусы ставяцца да пратэсту як да працы» — вялікая гутарка са звольненым філосафам Паўлам Баркоўскім
-
Лукашэнка: Прыйшоў час вярнуцца на шлях нармалізацыі адносін Беларусі і ЗША
-
«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту
-
«Адну мяне прыводзіць у шаленства, што за мяжой я выключна ІрЫна?» Беларуска абураецца транслітэрацыяй у пашпарце з беларускай мовы
Цяпер чытаюць
«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту2
Каментары