У Польшчы палітычны крызіс, справакаваны змаганнем за Канстытуцыйны трыбунал. Наўроцкі развярнуў самалёт і тэрмінова вярнуўся
30 кастрычніка перад будынкам Канстытуцыйнага трыбунала ў Варшаве з’явіліся значныя сілы паліцыі. Гэта адбылося пасля таго, як суддзя Ганна Корвін-Пятроўска, якая цяпер кіруе працай установы, абвясціла пра прыпыненне службовых абавязкаў старшыні трыбунала Багдана Свянчкоўскага і яго намесніка Бартламея Саханьскага. Гэтыя падзеі выклікалі рэзкія пярэчанні з боку апазіцыі, прыхільнікі якой сабраліся каля будынка трыбунала.
Свянчкоўскі і яго прыхільнікі назвалі гэта незаконным захопам улады ў Трыбунале і абвінавацілі ўдзельнікаў дзеянняў у спробе дзяржаўнага перавароту. Генеральны пракурор Вальдэмар Журэк тым часам накіраваў у трыбунал пяць хадайніцтваў аб зняцці недатыкальнасці са Свянчкоўскага і Саханьскага.
Паліцыя патлумачыла сваю прысутнасць неабходнасцю гарантаваць бяспеку пасля зваротаў генеральнага пракурора і суддзі Корвін-Пятроўскай, якія папярэдзілі пра магчымыя пагрозы суддзям і супрацоўнікам установы. Паліцыя заявіла, што дзейнічае ў межах сваіх паўнамоцтваў і паважае незалежнасць трыбунала.
Падзеі выклікалі рэзкую палітычную рэакцыю. Прэзідэнт Караль Наўроцкі перапыніў візіт у Сенегал і вярнуўся ў Польшчу. Лідар апазіцыйнай партыі «Права і справядлівасці» Яраслаў Качыньскі назваў тое, што адбываецца, «замахам на Канстытуцыйны трыбунал». Прэм’ер Дональд Туск, наадварот, заявіў, што аднаўленне вяршэнства права патрабуе рашучых дзеянняў. Свянчкоўскі паабяцаў абмеркаваць далейшыя крокі з прэзідэнтам.
Апазіцыя называе тое, што адбываецца, дзяржаўным пераваротам і захопам Канстытуцыйнага трыбунала. Былы прэм'ер-міністр Матэвуш Маравецкі заявіў, што не дапусціць «беларускіх метадаў у Польшчы».
Канфлікт звязаны з працяглай спрэчкай пра склад Канстытуцыйнага трыбунала і законнасць прызначэння суддзяў. У сакавіку 2026 года Сейм абраў шэсць новых суддзяў, але толькі двое прынеслі прысягу перад прэзідэнтам і пачалі працу. Астатніх чатырох не дапусціў да разгляду спраў старшыня Трыбунала Свянчкоўскі. Нягледзячы на ўмяшанне Еўрапейскага суда па правах чалавека, спрэчка не была вырашаная.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос7
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары
Трэба законы чытаць, а не вярзець лухту. Суддзя ня можа сама здымаць астатніх суддзяў і захапіць установу сябе ў адну асобу выключна пры падтрымцы амонышаў. Гэтак жа, як не бывае суддзяў-"дублёраў". Суддзяў выбіраюць і прызначаюць па канстытуцыі выключна. А гэта чыста - бананавая рэспубліка.