Перспектыўная тэхналогія: гной на фермах будуць апрацоўваць плазменным зарадам
Нарвежская тэхналагічная кампанія N2 Applied пачала тэставаць на ферме ў брытанскім Бакінгемшыры тэхналогію для барацьбы з кліматычнымі зменамі: навукоўцы страляюць па каровіным гнаі плазменным зарадам, паведамляе BBC.
Перагрэты паток атамаў разбурае ў каровіным гнаі малекулы шкодных для навакольнага асяроддзя аміяку і метану. Аміяк пры апрацоўцы «штучнай маланкай» ператвараецца ў чысты азот — фермеры выкарыстоўваюць яго як угнаенне.
Выпрабаванні тэхналогіі ў Бакінгемшыры паказалі зніжэнне ўтрымання аміяку ў вадкім гнаі на 90%, а выкідаў метану — на 99%.
Распрацоўшчыкі адзначаюць, што тэхналогія можа дапамагчы вырашыць праблему змены клімату і змагацца з забруджваннем паветра ў сельскай мясцовасці і гарадскіх раёнах: пасля апрацоўкі гной пахне «марскім узбярэжжам». Калі тэхналогія стане даступнай, яе пачнуць прымяняць паўсюдна.
Каровы — рэкардсмены па выкідах метану, аднаго з асноўных парніковых газаў. Ён трапляе ў атмасферу праз адрыжку і гной, выпрацоўваючыся ў кішэчніку падчас пераварвання клятчаткі.
-
Як сур’ёзнае даследаванне мозгу мушкі ператварылася ў інтэрнэт-мем — мадэль яе мозгу навучылі гуляць у Doom і гандляваць крыптавалютай
-
Тыраназаўру «памералі тэмпературу» праз 66 мільёнаў гадоў. Вось што высветлілася
-
«Гуляйце ў відэагульні або будзеце тупымі!» Што за даследаванне працы мозгу так усхвалявала Ілана Маска
Цяпер чытаюць
З псіхбальніцы збег былы начальнік Ганцавіцкай міліцыі13
Каментары