Магутны ўдар па вытворцу праграм лічбавага шпіянажу. ЗША наклалі санкцыі на ізраільскую IT-кампанію
Тыдзень таму Мінгандлю ЗША ўнеслі ў чорны спіс Ізраільскую кампанію па вырабніцтве праграм для лічбавага шпіянажу NSO Group. Самая вядомая з праграм гэтай кампаніі, Pegasus, здольная незаўважна ўключаць аўдыё- і відэазапіс на смартфонах на адлегласці, тлумачыць Wall Street Journal.
Першапачаткова распрацаваная для адсочвання злачынцаў і змагання з тэрарызмам, Pegasus выкарыстоўвалася аўтарытарнымі дзяржавамі для пераследу журналістаў, актывістаў і замежных палітыкаў.
Пра гэта стала вядома ў ліпені гэтага году, пасля таго як французская арганізацыя Forbidden Stories разам з міжнароднай праваабарончай арганізацыяй Amnesty International абвясцілі вынікі свайго расследавання. Яны перадалі журналістам і незалежным экспертам 50 000 тэлефонных нумароў, якія былі ўзламаныя праграмай Pegasus.
У спісе быў тэлефон прэзідэнта Францыі Макрона, напрыклад, а таксама тэлефоны дзесяці прэм’ер-міністраў, некалькіх прэзідэнтаў, аднаго караля.
Што значыць уключэнне ў чорны спіс ЗША для ізраільскай кампаніі?
Вытворца праграм лічбавага шпіянажу больш не зможа пакупаць тэхналогіі, дэталі і тэхнічныя часткі ў ЗША, а таксама супрацоўнічаць з амерыканскімі кампаніямі, у тым ліку па кібербяспецы. Гэта сур’ёзна запаволіць продажы прадуктаў ізраільскай кампаніі ва ўсім свеце.
Пасля летняга скандалу кампанія паспрабавала разнастаіць сваю прадукцыю праграмамі кібербяспекі. Але інвестараў у гэтыя новыя праграмы цяпер будзе знайсці зусім няпроста.
Што на гэта кажа ізраільскі бок?
Ізраіль адмаўляе абвінавачванні Мінгандлю ЗША і кажа, што ўся дзейнасць кампаніі адпавядае інтарэсам ЗША ў сферы нацыянальнай бяспекі — яны дапамагалі дзяржавам змагацца з тэрарызмам.
Кампанія-вырабнік праграм лічбавага шпіянажу падкрэслівае, што спыніла кантракты з некаторымі краінамі, якія злоўжывалі іх прадукцыяй, а таксама ўвяла новыя правілы маніторынгу патэнцыйных злоўжыванняў. Ізраіль спадзяецца, што гэтае рашэнне ЗША можна будзе перагледзець.
Мінгандлю ЗША ўпершыню ўключыла ў чорны спіс кампанію з краіны-саюзніка.
Пра што нагадала беларусам
Беларусы нядаўна назіралі, як Еўрасаюз упершыню ўключыў беларускую IT-кампанію у санкцыйны спіс. Кампанія Synesis паплацілася за тое, што прадстаўляла ўладам Беларусі платформу для відэаназірання, якая дазваляла распазнаваць твары.
У Расіі паведамілі аб стварэнні новай зенітнай ракетнай сістэмы С-550
Амбіцыйны праект Джэфа Безаса: касмічная станцыя для турыстаў. Яна будзе параўнальная з МКС
Цяпер чытаюць
Палякі купляюць дамы ў Беларусі — цікавяцца, ці хопіць на жыццё еўрапейскай пенсіі, і радуюцца смешным выдаткам18
Каментары