Вялікабрытанія і Францыя перадаюць Украіне сакрэтныя даныя для вытворчасці крылатых ракет SCALP. Для Крымскага моста?
Зброя ўкраінскай зборкі здымае з саюзнікаў палітычныя абмежаванні на ўдары па аб'ектах у Расіі.
Вялікабрытанія дазволіла еўрапейскай абароннай кампаніі MBDA перадаць Кіеву сакрэтную тэхнічную дакументацыю пра брытанскія кампаненты для дальнабойных крылатых ракет SCALP — французскага аналага брытанскіх Storm Shadow. Пра гэта паведамілі ў канцылярыі прэм'ер-міністра Вялікабрытаніі Эндзі Бёрнэма.
Гэта рашэнне дазволіць Украіне і Францыі разгарнуць лакальную вытворчасць адпаведных боепрыпасаў на ўкраінскай тэрыторыі.
Абвяшчэнне рашэння прымеркавалі да Дня незалежнасці Украіны.
«У 35‑ю гадавіну незалежнасці Украіны ўкраінскі народ не мусіць сумнявацца: Вялікабрытанія падтрымлівае вас сёння і будзе падтрымліваць столькі, колькі спатрэбіцца. <…> Дружба паміж нашымі двума краінамі надоўга перажыве незаконную вайну Расіі», — заявіў Бёрнэм.
У сярэдзіне ліпеня прэзідэнт Украіны Уладзімір Зеленскі пасля перамоў з Эмануэлем Макронам анансаваў, што Францыя прадаставіць Украіне ліцэнзіі на вытворчасць крылатых ракет SCALP, кіраваных авіябомбаў AASM Hammer і зенітных ракет Aster 30.
Французская SCALP і брытанская Storm Shadow — гэта фактычна адна і тая ж ракета з аднолькавымі характарыстыкамі пад рознымі назвамі.
Крылатая ракета вялікай дальнасці SCALP распрацавана на базе французскай ракеты Apache. Галоўнае яе прызначэнне — знішчэнне пранікнёным выбухам умацаваных цэляў (бункераў, камандных пунктаў і мастоў), у адрозненне ад Apache, якая выкарыстоўвала касетныя боепрыпасы для накрыцця плошчаў.
SCALP — гэта ракета, якая пры ўдалым прымяненні здольная разбурыць Крымскі мост.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2828
Каментары