На Дзень незалежнасці Украіны ў Кіеве правялі парад вайсковых робатаў — на зямлі, ў вадзе і ў паветры ВІДЭА
На Храшчаціку ў Кіеве да Дня незалежнасці Украіны правялі незвычайны «парад новага пакалення» — замест вайскоўцаў цэнтральнай вуліцай горада праехала калона наземных рабатызаваных комплексаў, якія выкарыстоўваюцца ўкраінскімі вайскоўцамі на фронце, піша Hromadske.
Падчас урачыстасцяў прэзідэнт Украіны Уладзімір Зяленскі заявіў, што пасля заканчэння вайны Украіна можа стаць сапраўдным донарам бяспекі для сваіх партнёраў, Еўропы і іншых дзяржаў, якія падтрымлівалі краіну. Паводле яго слоў, на парадзе паказалі тэхналогіі, з дапамогай якіх Украіна абараняе жыццё сваіх людзей.
Па Храшчаціку праехалі наземныя робаты «Рысь PRO» і «Тэрміт», прызначаныя для лагістычных, эвакуацыйных і баявых задач. Такія комплексы могуць перавозіць боепрыпасы, ваду і ежу, а таксама дапамагаць эвакуяваць параненых. Адначасова аператары дэманстравалі ўкраінскія беспілотнікі, у тым ліку дрон-перахопнік P1-Sun.
Акрамя наземнай тэхнікі, былі паказаныя і надводныя беспілотныя сістэмы «Магура», Sea Baby і «Сарган». Такім чынам, арганізатары хацелі падкрэсліць развіццё ўкраінскіх вайсковых тэхналогій на сушы, у вадзе і ў паветры.
У Міністэрстве абароны Украіны паведамілі, што з пачатку 2026 года наземныя рабатызаваныя комплексы ўжо выканалі больш за 100 тысяч місій. Яны займаліся дастаўкай неабходных грузаў і эвакуацыяй параненых. У ліпені колькасць такіх задач дасягнула амаль 20 тысяч супраць 7,5 тысячы ў студзені.
Мінабароны ўжо закантрактавала больш за 22 тысячы наземных робатаў. Акрамя таго, з пачатку года ўкраінскія вайскоўцы праз Brave1 Market заказалі такую тэхніку амаль на 1,9 мільярда грыўняў (каля 42,5 мільёна даляраў).
У міністэрстве падкрэслілі, што выкарыстанне робататэхнікі дазваляе зніжаць рызыку для вайскоўцаў, паколькі частку небяспечных задач могуць выконваць машыны замест людзей.
Каліноўцы паказалі, як карыстаюцца транспартным робатам
На фронце ва Украіне выпрабавалі чалавекападобных робатаў
ЗША перадалі Украіне двух гуманоідных робатаў, каб праверыць іх у баявых умовах
Сакрэтная зброя. Як украінскі робат-кулямётчык стрымліваў расіян шэсць тыдняў
Камандзір роты сам паехаў на пікапе пад агнём, каб выратаваць цяжкапараненых байцоў. Ён стаў Героем Украіны
Цяпер чытаюць
Беларуска, уласніца рэстарана ў Батумі, апынулася ў цэнтры скандалу з сабакамі18
Каментары
Окей. Заходняія партнёры пабачаць, што можна купіць у Украіны пасля вайны.
Але ж і Расея сочыць, што там у Украіны сёння ёсць і абавязкова распрацуе контрмеры па знішчэнні гэтай тэхнікі, складоў, заводаў. І скрадзе тэхналогіі і наробіць аналагічнай тэхнікі, толькі ў 10 разоў больш, каб забіваць украінцаў.
Дзе логіка ўкраінскіх уладаў? Знайсці будучых пакупнікоў зараз важней, чым абараніць ваенныя сакрэты ад ворага падчас вайны?