Салдат, які ўцёк у Беларусь, заявіў, што польскія вайскоўцы застрэлілі валанцёраў, якія хацелі дапамагчы мігрантам
У эфіры дзяржСМІ польскі салдат Эміль Чэчка, што збег у Беларусь, заявіў, што быў сведкам двух выпадкаў забойства польскімі сілавікамі валанцёраў. Відэа яго апавядання публікуюць праўладныя тэлеграм-каналы.
У інтэрв’ю дзяржСМІ Чэчка заявіў, што асабіста бачыў, як польскія салдаты забілі валанцёраў.
— Я быў у такой сітуацыі, калі пад'язджаў валанцёр і пачынаў казаць: «Куды вы іх ведзяце?». А памежнік папросту стрэліў яму ў лоб, — распавёў паляк.
Чэчка заявіў, што быў сведкам двух такіх выпадкаў.
16 снежня ў 17:50 на ўчастку памежнай заставы Тушэмля беларускімі пагранічнікамі ў памежнай паласе быў спынены польскі вайсковец, 25-гадовы Эміль Чэчка. Хлопец заявіў, што зʼяўляецца вайскоўцам 16-й Паморскай механізаванай дывізіі, часткі якой былі перакінутыя для аховы ўчастка мяжы з Беларуссю падчас дзеяння надзвычайнага становішча на памежных тэрыторыях.
Міністр абароны Польшчы Марыюш Блашчак напісаў у Twitter, што хлопец меў праблемы з законам.
Каментарыеў польскага боку наконт заявы Чэчкі аб забойстве валанцёраў пакуль не было.
Беглы польскі салдат заявіў, што польскія вайскоўцы «стралялі ў лоб» валанцёрам. Журналіст тлумачыць, што гэта можа значыць
«Гэта гісторыя не пра сітуацыю на мяжы, а пра крывавыя фантазіі дзяржпрапаганды». Фрыдман — пра дзяржСМІ і польскага салдата
Цяпер чытаюць
Новая аблава: затрымалі дзясяткі сваякоў палітвязняў і тых, хто ім дапамагаў — што вядома50
Каментары