«Шахцёр» зноў губляе ачкі, БАТЭ ўзначальвае табліцу. Вынікі нядзелі ў беларускім футболе
Чэмпіён краіны сенсацыйна губляе ачкі, колішні гегемон перахоплівае ініцыятыву ў Салігорска — такімі сталі вынікі трэцяга тура вышэйшай футбольнай лігі краіны.
Барысаўскі БАТЭ атрымаў трэцюю перамогу запар, калі напрыканцы тыдня скарыў навабранца элітнага дывізіёна. Галы Малькевіча, Драгуна ды Вілюмсана вымусілі магілёўскі «Дняпро» зваліцца амаль на самае таблічнае дно. Тады як каманда Аляксандра Міхайлава аднаасобна ўзначаліла турнірную табліцу.
А вось лепшая каманда краіны нават нягледзячы на гол Дарба на 15-й хвіліне засталася без вікторыі. Салігорскі «Шахцёр» выглядаў вельмі няўпэўнена ў змаганні з «Іслаччу» — і таму даволі лагічна атрымаў мяч у адказ ад Нікіфарэнкі. Дарэчы, былога гульца салігорцаў. Хай сабе «гарнякі» яшчэ не саступалі ў першынстве, але «мінус чатыры» ад лідара на старце першынства правакуе дадатковы ціск на галоўнага трэнера каманды Івана Біёнчыка.
Яшчэ ў адным двубоі нядзелі гродзенскі «Нёман» адужаў «Дынама» з Брэста. Розніцу зрабіў Гегам Кадзімян: пры ліку 1:1 на 81-й хвіліне армянскі легіянер засмуціў «бела-блакітных» — і прынес калектыву Ігара Кавалевіча трыумф у заходнім дэрбі.
Нагадаем, што трэці тур вышэйшай лігі скончыцца ў панядзелак, калі згуляюць «Арсенал» ды «Віцебск», а таксама «Белшына» з «Гомелем».
Чытайце таксама:
«Наша Ніва» аднаўляе збор данатаў — падтрымаць проста
Мінскае «Дынама» перамагло «Славію», жодзінскае «Тарпеда» саступіла трэці раз запар. Вынікі матчаў суботы ў вышэйшай лізе
Цяпер чытаюць
Бабарыка зоймецца бізнэсам — ужо адкрыў кампанію ў Германіі5
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1212
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу12
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары