Мінабароны Расіі: больш за тысячу марскіх пехацінцаў з Марыупаля здаліся ў палон. Арастовіч: Частка прарвалася і далучылася да «Азова»
Мінабароны Расіі заявіла, што 1026 украінскіх марскіх пехацінцаў з 36-й брыгады, якія абаранялі Марыупаль, здаліся ў палон.
Сярод палонных вайскоўцаў, паводле расійскага ведамства, — 162 афіцэры і больш за 40 жанчын.
Украінскі бок пакуль гэтую інфармацыю не каментаваў.
У начным звароце марыупальскім марпехам падзякаваў Уладзімір Зяленскі.
Днямі пехацінцы паведамілі, што ў іх заканчваюцца боепрыпасы і прадукты.
У сваю чаргу, дарадца Офіса прэзідэнта Украіны Аляксей Арастовіч напісаў у Твітары, што марпехі з 36-й брыгады ў выніку «складанага і вельмі рызыкоўнага манеўра» прарваліся і далучыліся да палка «Азоў». Гэта, па словах Арастовіча, дазволіла ўзмацніць абарону горада.
«Вось што бывае, калі афіцэры не губляюць галаву, а цвёрда захоўваюць кіраванне войскамі», — напісаў ён.
Інфармацыю пра палонных ён пры гэтым не абвяргаў.
Цяпер чытаюць
Ціханоўская едзе ў Нью-Ёрк. Яна можа перасекчыся з прадстаўнікамі Лукашэнкі, але галоўную інтрыгу пакуль не раскрываюць21
Каментары